Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

41 Día de les Lletres Asturianes #DendeCasa

Votos

(Total de votos recibidos 184)

(Puntuación 2,99)

lletres41mayu
Ufrímosvos, a comuña cola Red Municipal de Bibliotecas de Gijón/Xixón, delles propuestes pa cellebrar esti Día.
Nes condiciones nes qu'aveza xirar el mundu, güei, vienres 8 de mayu cellebraríase’l 41 Día de les Lletres Asturianes. Por mor de la situación provocada pol coronavirus COVID-19, los actos previstos pa esi día aplácense (siempre que se dean les condiciones sanitaries y sociales afayadices) pal vienres 2 d’ochobre.

Sicasí, esi regustín que nos dexa’l festexar feches importantes, vamos poder sentilu igualmente de mou virtual. Poro, dende la Oficina de Normalización Llingüística de Xixón, a comuña cola Red Municipal de Bibliotecas de Gijón/Xixón siguimos trabayando de manera telemática pa poder ufrivos delles propuestes coles que vais poder averavos a la lliteratura n'asturianu:

Con estes Guíes de Llectura (pa neñes y neños y pa persones adultes) queremos dar a conocer los títulos n'asturianu que tán disponibles pa descargar demientres siguimos quedando en casina.

Pa siguir disfrutando ensin dexar de deprender, proponémosvos esti xuegu nel que tenéis d'aldovinar los títulos de les obres premiaes dende l'añu 2017 en delles estayes lliteraries (narrativa, poesía, ensayu y lliteratura infantil). De xuru que conocéis dalguna de les 10 propuestes, y sinón... ¡ye un bon momentu pa ponese a lleer!

Tamién podéis aprovechar pa dedicá-yos un tiempín a les noveles que falen de Xixón y facer un percorríu lliterariu y virtual pela nuestra ciudá, pente medies de l'app Xixón de Novela, que se pue descargar equí. Amás, nesti videu les y los autores pónen-yos voz a toos esos testos. Tanto si tenéis la suerte de conocer los requexos de Xixón qu'apaecen na app y nel videu, como si non, va prestavos de xuru esti viaxe que podéis facer ensin salir de casa, echando mano namás de les lletres y la imaxinación.

Y pa rematar, calcando equí vais poder asistir (dende'l sofá y ensin embozu, si lo queréis asina...) a un Insta-Alcuentru con Autores: una entrevista de Miguel Barrero a Marta Mori y a Miguel Rojo. Va ser a partir de les 19.00 hores.

¡Esperamos que disfrutéis -na midida de lo posible- d'esti 41 Día de les (Non) Lletres Asturianes #DendeCasa!