Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

XVII Alcuentros de la Mocedá cola Llingua #DendeCasa

Votos

(Total de votos recibidos 152)

(Puntuación 2,99)

alcuentros20
Güei martes 21 d’abril yera la fecha escoyida pa cellebrar los XVII Alcuentros de la Mocedá cola Llingua... y sigue siéndolo.

Güei martes 21 d’abril yera la fecha escoyida pa cellebrar los XVII Alcuentros de la Mocedá cola Llingua.

Sigue siéndolo. Cellebramos los XVII Alcuentros de la Mocedá cola Llingua #DendeCasa. Nesta dómina d’aconceyamientos virtuales, vamos siguir “percibiéndonos colos sentíos y col entendimientu” (esto ye, alcontrándonos), anque seya al traviés de les pantalles.

Dende la Oficina de Normalización venimos trabayando pa facer posibles los Alcuentros d’esti añu.

P’abrir boca, ayeri yá compartimos dellos videos de docentes encamentando a les moces y mozos a participar con nós.

Y güei... ¡Llegó'l día! Yá podéis descubrir el nuestru xuegu virtual, la scape room “Misteriu nel Muséu del Pueblu d’Asturies”: va un par d'años, nos XV Alcuentros, seis rapaces y cuatro rapazos (que se faen llamar "La Promoción Pantasma") nun pudieron salir del Muséu del Pueblu d'Asturies a cuenta d'una falcatrúa d'unes criatures maldadoses… ¿sedrá quien l’alumnáu d‘asturianu de Secundaria a lliberar a La Promoción?

Pa ello, vantener que tar bien sollertes y contestar bien dalgunes entrugues sobre otres ediciones de los Alcuentros de la Mocedá cola Llingua.

Esti ye l'enllaz a la scape room: https://view.genial.ly/5e85937ed5aa510e329f34f1/game-breakout-scape-room-misteriu-nel-museu?fbclid=IwAR2gItiJtec6FmvLB9UsBtSVMlcNvTnbgSdXSxUQ98Cw5B8rfk5Ubf96aZE

Pesie a que-yos eche un gabitu telemáticu’l so profesoráu d’asturianu, atalantamos que les entrugues de la scape room pueden ser un pocoñín complicaes pa la mocedá: poro, mañana miércoles 22 d’abril, vamos ufrir delles pistes de la mano -bien de les veces- de los protagonistes que participaron n’otres ediciones de los Alcuentros de la Mocedá.

¡Naguamos porque al alumnáu-y preste, porque lo pasen bien un ratín y porque deprendan dalgo más de los Alcuentros!