Teatru infantil nel CCAI, Runa: un mundiu redondu (Nun Tris)
El prósimu martes 2 de mayu, nel Salón d'Actos del CCAI, a les 18.30, Nun Tris presenta'l so espectáculu pa rapacines y rapacinos Runa: un mundiu redondu
Una actriz presenta cuentos y narraciones de los cinco continentes nun viaxe
al rodiu del mundiu, entamando caun d'ellos falando un migayín de les sos
costumes y tradiciones. Nel viaxe acompáñala un narrador-músicu qu'interpreta
fragmentos de música de cada sitiu, faciendo por amosar que la xente que vive
nesti mundiu tien la so propia singularidá y la so forma diferente d'entendelu y
la so propia forma d'espresase, aporfiando al tiempu na igualdá y el respetu a
toles persones y cultures.
Obra encamentada pa neñes y neños a partir de 8 años.
¡Tais toos y toes convidaos a esfrutar, colo más piquiñino de la casa, d'esta obra de teatru tan prestosa!
Producciones Nun Tris
Actriz: Arantxa Fernández
Actor y músicu: Toño Caamaño
Idea y dramaturxa: Inma Rodríguez
