Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La escritura marcha pal Acuariu

Votos

(Total de votos recibidos 531)

(Puntuación 2,93)

las escrituras de guion
El llunes, el Festival Internacional de Cine de Xixón y el sindicatu de guionistes ALMA estrenaron les sos xornaes "Les escritures de guión", dedicaes a entender los entrellenzos del guión, nun llugar tan especial como l'Acuariu
Nuna sala de conferencies incomparable, con una pecera pergrande de fondu, Lola Salvador, ganadora d'un Goya y xuráu del FICX 2012, presentó estes xornaes xunto col direutor del festival Nacho Carballo y del invitáu del día, Adolfo Valor. Esti últimu, guionista de programes como Homo Zapping o El Intermedio, entró rápido en materia colos sketches como tema. De forma dinámica y animando a la participación del públicu (bien activu), Valor foi esbillando los mecanismos del funcionamientu de la comedia, xéneru misteriosu onde los haya. Exemplos de programes como Saturday Night Live o Monty Phyton's Flying Circus valieron p'amosar delles téuniques y recursos pal guionista.

El martes, el protagonista foi Ignacio López Muro, guionista de la serie 7 vides, que faló de les sitcoms nuna sala dafechu atarraquitada con unes 90 persones. Muro entamó'l tema con un curtiu percorríu históricu, empezando por I love Lucy, precursora del xéneru nos años 50. Lo mesmo que con Adolfo Valor, los exemplos fueron clave pa entender les desplicaciones de Muro, que tamién desplicó'l funcionamientu de les series d'humor na televisión española, analizando les sos carauterístiques. Namás en dos díes el públicu amosó les sos ganes de conocencia y el so interés por un mundu tan complexu y ablucante como ye'l del guión.

Marco Barada