Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Más que charres

Votos

(Total de votos recibidos 469)

(Puntuación 3,02)

fernado marias
Charres cinéfiles con fernando marías ye un convite pa recuperar el cine y la lliteratura como motores pal esfrute, la emoción y la pasión de les vieyes charres de cineclub, más p'allá y más p'acá de la pantalla.
Ayeri, de siete a ocho y media la tarde, nel Patiu del Centru de Cultura del Antiguu Institutu, empecipiaron, afalaes pol FICX, les Charres cinéfiles dirixíes pol escritor Fernando Marías, que van ser toles tardes hasta'l día 22, y nes que van aconceyar cineastes y lliteratos de renome y distrintu pelame, pa descubrinos los más íntimos secretos de la so vida como cinéfilos.

¿Cómo surde la idea d'estes Charres?
Surde depués de tar colos mios ("Fios de Mary Shelley") n'otra charra lliteraria que davezu organizo al rodiu de la lliteratura y el cine fantásticos, nel Festival Celsius 232 n'Aviles, nel que tuvi col direutor y el subdireutor del FICX, y na que me propunxeron dalgo paecío pal Festival, pero al rodiu, claro del mundu del cine.

¿Y qué ye l'inventu esautamente?
La idea ye que seyan charres prestoses y desenfadaes, que recuperen aquelles xuntes improvisaes nun chigre o una cafetería en saliendo del cine, na que la mocedá cinéfilo davezu desenvolvíamos la nuestra pasión. Prestábame devolver a la cinefilia'l prestixu perdíu, quitándo-y esi calter de seriedá falsa que-y punxeron.

Ayeri yereis tres cinéfilos, yo casi diría cinéfagos, falando d'erotismu...
Siempre pensé que l'erotismu, lo erótico, ye imposible de representar o camentar daveres nel cine o na lliteratura, pesie a qu'hai milenta páxines escrites y películes erótiques, poro paecíame un tema bien polémicu pa entamar, y Tristán Ulloa, como home de cine, y Cristina Fallarás, como escritora, écharon-y una güeyada distinta pero complementaria, que ye la idea.

¿Siempre va tener esta cadarma?
De xuru. Trátase d'axuntar siempre a dalguien del cine y a dalguien de la lliteratura, ya intercambiar visiones, conmigo en medio. Güei tenemos a Vicente Molina Foix, un escritor que dirixe cine, y Ángeles González Sinde, una cineasta qu'escribe, pa falar de los allories creadores, tema que conozo bien, porque tamién escribo guiones. Mañana vamos falar de cómo afeuten les nueves teunoloxíes, los nuevos medios, al cine y la lliteratura, con Paco Plaza, que revolucionó'l cine español con Rec, y David Torres, novelista pero tamién fanáticu d'internet y les series de televisión. Pa rematar, el día 22 va ser la charra más anovadora, sobre lo que llamo la memoria emocional cinéfila: qué películes o qué imáxenes de películes, marcaron la nuestra infancia o adolescencia, y lo que ficieron pa que seyamos asina. Vamos tener a la escritora Vanesa Montfort y al direutor Agustín Díaz Yanes, y vamos falar con ellos de los secretos de la memoria cinéfila.
Dinos dalgún de los tuyos.

Ensin dulda, lo que más me marcó fue ver Grupu salvaxe de Sam Peckinpah. Cuando la taba viendo pensé: esto ye lo que yo quiero facer.
Y dalgún un poco más... indiscretu, tornando al erotismu.
Ye curioso lo del erotismu en cine. Conozo una amiga, a la que nun puedo mentar, claro, que se punxo fatal cola escena de Drácula de Coppola na qu'afalaguen a un llobu metanes la borrina llondinense...Y otra que-y desanubrió la sexualidá cuando en Tierra de faraones azoten a una esclava. Taba viendo una peli d'aventures y, de sópitu, decatóse que tamién yera otra cosa (a lo meyor porque la escribió Faulkner, quién sabe...). Y yo, de xuru, cuando Stella Stevens en La balada de Cable Hogue tirase na cama y llevanta les dos piernes xuntes, y entós, dixi: esto ye.
Jesús Palacios