Albuquerque

- Alburquerque.jpgAlbuquerque ye la mayor ciudá del estáu de Nuevu México, EEUU. Davezu tien un clima secu y soleyeru. Foi fundada en 1706 como asitiamientu colonial español. Orixinariamente yera una comunidá de granxeros y un allugamientu estratéxicu a lo llargo'l Camín Real. Llevántase a partir d'una plaza central arrodiada d'edificios alministrativos, cases y una ilesia. Esta plaza, conocida como"La ciudá Vieya", ta güei abierta al públicu como muséu, zona cultural y centru comercial.




La ciudá debe'l nome al Duque d'Albuquerque, Don Francisco Fernández de la Cueva, virrei de Nueva España dende 1653 hasta 1660. Quitóse-y la primera " r" pa facilitar la pronunciación a los falantes anglo-americanos.

Albuquerque, asitiada nel norte del Desiertu de Chihuahua, ta nel centru de Nuevu México, y tien una de les mayores altures d'EEUU. Concretamente alcuéntrase ente los 1490 m sobre'l nivel del mar cerca Ríu Grande (nel valle), y los 1950 m baxo les Montañes de Noroeste.