Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Clima

Xixón tien un clima básicamente oceánicu, con bien de lluvia na estación más fría y nos primeros díes de la primavera y un tiempu más aposentáu y con calor en branu. Nos díes centrales de la primavera predominen les situaciones ciclóniques o anticiclóniques del norte, lo que produz un tiempu frescu y menos lluviosu, pasando dempués otra vez a tener lluvia y unes temperatures más templaes por mor de les mases suroccidentales. La seronda ye una estación mui variable, onde se da un enfriamientu progresivu de la qu'avancen les mases d'aire que remanecen del noroeste y del norte.

clima

La cantidá d'agua que cai como media al añu ye d'unos 1000 l/m2, una de les más baxes de la rexón. Esto ye, sobre manera, pol nomáu "efeutu de lladera" que fai que llueva más nes fasteres con mayor altitú y menos en delles costeres del centru y occidente. Al empar, na época de menos lluvia danse situaciones de seca (el 22% de los meses hai seca y el 11% la falta d'agua ye cuasi estrema).

La temperatura media del añu ye de 14ºC con unes máximes daqué penriba los 20ºC nel mes de más calor y unes mínimes ente 10 y 11ºC nel mes más fríu. Les variaciones ente unes y otres anden pelos 10ºC, lo que quier dicir que Xixón tien ún de los climes más templaos y estables de tola fastera cantábrica.

Los vientos son esporádicos y carauterícense por ser estacionales. N'iviernu na costa soplen sobre too del sureste, templaos y calientes por mor de la retirada hacia'l sur del anticiclón de les Azores, colo que les baxes presiones del Atlánticu siguen una trayeutoria más meridional. La situación da la vuelta en branu, cuando predominen los vientos del noroeste, fríos y secos, lo que fai dafechu que'l tiempu seya frescu, claru y secu.

Pues visitar y ver l'estáu del tiempu na nuesa web camara