Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón vuélvese más surferu

Votos

(Total de votos recibidos 3)

(Puntuación 3,00)

surf
Xixón Turismu patrocina la serie ‘Caminando sobre las olas’ y enancha la so pormoción n’espacios venceyaos col surf y el turismu activu.
Güei presentóse en Xixón la serie “Caminado sobre las Olas”. Ye serie documental, patrocinada por Xixón Turismu y compuesta por 13 episodios de 1⁄2 hora de duración, na que s’entemez el viaxe de los pelegrinos del Camín de Santiago y el viaxe d’un surfista. El protagonista ye Kepa Acero, surfista y viaxeru de sonadía. Esta serie ye una coproducción ente Surf Channel y RTVE, cola collaboración de R-Grupo Euskaltel.

La presentación fíxola Alberto Ferrao, conceyal d’Educación y Cultura y presidente de Divertia; Ángela Baños, direutora de Xixón Turismu; Aitor Gabiña, productor executivu de ‘Caminando sobre las olas’ y direutor xeneral de Surf Channel; Salvador Ruiz, direutor de ‘Caminando sobre las olas’ y direutor de producción de Surf Channel; y Kepa Acero, protagonista de la serie, surfista y viaxeru.

El patrociniu d’esta serie forma parte de la estratexa nueva de Xixón Turismu pa promocionar la ciudá asturiana como un destín de surf y turismu activu. “Queremos posicionar a Xixón como un destín de surf y de turismu activu y venceyar la imaxe de la ciudá colos valores qu’estes actividaes tresmiten. Xixón tien tolo necesariu pa ello. Tien unes playes con foles de primer nivel. Tamién tien les infraestructures d’una ciudá de servicios, que la faen entá más atractiva: agospios, hostelería, actividá deportiva, ufierta cultural y festiva, la posibilidá d’esfrutar d’otros deportes d’aventura…”, comentó’l conceyal d’Educación y Cultura, Alberto Ferrao.


‘Caminando sobre las olas’ va emitise en Grupo Euskaltel, al que pertenez Telecable; Surf Channel; La2; Canal Internacional de TVE; y TVE a la carta.

L’alcuerdu de collaboración ente Surf Channel y Xixón Turismu inclúi la producción d’un spot de Xixón con temática de surf y la so emisión en Surf Channel d’avientu a setiembre y la grabación d’un programa de ‘Surfing Reports’ dedicáu a Xixón, nel que la surfista xixonesa Lucía Martiño va ser la protagonista.

“Somos una ciudá qu’ufre una montonera d’ atractivos: gastronomía, les playes, la xente, la sidra, monumentos como la Llaboral, Cimavilla, los museos… Pero, ensin dubia, ún de los nuesos atractivos mayores, si non el más, ye’l mar, qu’ufre delles oportunidaes pal desendolcu d’actividaes qu’arriquezan la nuesa ufierta turística”, esplicó Ángela Baños, direutora de Xixón Turismu.

Otres aiciones de promoción
Amás del d’esta serie documental, Xixón Turismu va poner en marcha otros patrocinios nos meses vinientes p’afondar nel posicionamientu de la ciudá como destín turísticu nel sector del turismu activu y el surf, como’l de la Superliga Surf Siroko o el del Madrid Surf Film Festival. Tamién busca patrocinios similares n’Alemania, Francia o Portugal que asitien a Xixón como destín central de surf nesos mercados.

Arriendes d’ello, el surf va protagonizar el programa d’actividaes complementaries del Gijón Sound Festival 2020 y Xixón Turismo va collaborar cola axencia de viaxes online Minube pa la venta y promoción de les actividaes venceyaes col surf na ciudad.

Estes aiciones van complementase cola edición de la guía ‘Gijón/Xixón Activo’, qu’amuesa tola ufierta de turismu activu de la ciudá. Esta guía sirvió de base pa presentar la candidatura del productu ‘Gijón/Xixón Activo’ al premiu “Mejor producto de Turismo Activo” patrocináu pola revista Aire Libre y que los ganadores remanecerán na edición viniente de FITUR en xineru de 2020.