Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Aporten les cogordes de seronda a Xixón

Votos

(Total de votos recibidos 0)

(Puntuación 0)

cocina setas
Esti vienres 31 d'ochobre entamen les xornaes gastronómiques de les cogordes monteses de seronda en más de 50 restoranes y tiendes d'alimentación de Xixón. Fasta'l domingu 17 de payares.
Estos diecisiete díes les cogordes monteses de seronda van ser les protagonistes nos fogones de la ciudá, en manes de los chefs de cocina de más sonadía vamos esfrutar de platos con boletus, níscalu, trompeta prieta, trompeta mariella, cantarela, senderina, lepiota o llingua de vaca, ente otres variedaes d'esta fastera.

Los organizadores y collaboradores sorrayen la importancia de seguridá alimentaria y el mercar esti productu nos canales de distribución autorizaos pa evitar asina intoxicaciones posibles. Una de les condiciones primeres pa participar nestes xornaes ye que les cogordes se merquen nuna empresa con rexistru sanitariu pa la comercialización de cogordes. Los riesgos qu'asumen los particulares que consumen les cogordes que gueten nun han de treslladase a los consumidores de cogordes comercializaes.

Nesta cuarta edición participen: Sidrería Asturias, Casa Baizán, El Borne (By Galán de Alejandro), Bomarzo, Los Campinos Sidrería, El Cencerro, Gepetto Arena, La Gitana, El Golfo, Jony-Los Manzanos, Mamaguaja, Café R. de Mouzo, La Montera Picona de Ramón, La Casa del Parque, La Pondala, Los Pisones, Sidrería Parrilla Ramón, Rinconín de Deva, Vinatería La Sastrería, Taberna del Medio, Sidrería Sporting, La Terraza, La Terraza de Viesques, Trasiego, Pizzería Vesubio, Aldea Frutería, la Esquina de Gijón y la Tienda frutería La Tentación.