Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Seis blogs de viaxes van visitar Xixón pa conocer y espardir la ufierta turística de la ciudá asturiana

Votos

(Total de votos recibidos 0)

(Puntuación 0)

travel inspirers
Xixón Turismu robló un alcuerdu cola rede de blogueros Travel Inspirers pa realizar una campaña de conteníos en dalgunos de los blogs de viaxes más influyentes.
Xixón Turismu robló un alcuerdu cola rede de blogueros Travel Inspirers pa desendolcar una campaña de marketing de conteníos de magar ochobre de 2019 a marzu de 2020. La campaña busca promocionar los atractivos de Xixón al traviés de blogs, videos y redes sociales.

Seis miembros de la rede Travel Inspirers van viaxar a Xixón ente ochobre de 2019 y marzu de 2020 pa vivir una esperiencia nel destín y pa recopilar información pa la campaña posterior de publicaciones. Dos de los blogs van faer vídeos y los cuatro restantes van escribir tres posts caún nes sos cabeceres. Los temes a tratar van ser el turismu activu, el cultural, el gastronómicu, el familiar y l’urbanu.

Los blogs que van venir a Xixón pa esta campaña son:

o Chavetas (www.chavetas.es)

o El Pachinko (www.elpachinko.com)

o El Rincón de Sele (www.elrincondesele.com)

o La Viajera Empedernida (www.laviajeraempedernida.com)

o Guías Viajar (www.guias-viajar.com)

o Paco Nadal (www.1000sitiosquever.com)

El restu los miembros de la rede va interactuar colos viaxeros y compartir los sos conteníos de la campaña col envís de crear un altavoz sobre tolo espublizao y asina llegar a una gran audiencia. La rede algamó en 2018 los 26 millones de páxines vistes y los 16 millones d’usuarios únicos, con un promediu mensual de 2,2 millones d’entraes.