Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón romanu: visita guiada solidaria d’ochobre

Votos

(Total de votos recibidos 0)

(Puntuación 0)

visitas solidarias
Los díes 12, 20 y 27 d’ochobre a les 12:00h. Puntu d’alcuentru: Infoxixón (Puertu Deportivu). Preciu: 5€. Lo recaudao va donase a la Fundación Hogar San José.
Nun podemos escaecer el pasáu romanu de Xixón nes nueses visites guiaes solidaries. Nel mes d’ochobre, les buelgues que dexó esta civilización na ciudá van ser les protagonistes d’un paséu de cuasique dos hores.

Partiendo de la Oficina d’Información Turística - Infoxixón – allugada en El Fomento, visitaremos les Termes Romanes del Campu Valdés; continuaremos ruta pel barriu de Cimavilla -onde siguiremos el percorríu de la muralla romana y asitiaremos un pozu que permitió estrayer y almacenar agües soterrañes-; y terminaremos la visita nel Puertu Deportivu, onde escubriremos la importancia que tuvo l’actividá pesquera naquella dómina.

‘Xixón romanu’ ye la propuesta pa esti mes d’ochobre que forma parte del ciclu de visites guiaes solidaries que Xixón Turismu entama a lo llargo de 2019. Nesti casu, tolo recaudao ta empobinao a la Fundación Hogar San José.

La visita va realizase los díes 12, 20 y 27 d’ochobre a les 12:00h y tien un coste de 5€. Puntu d’alcuentru Infoxixón (Fomento). Duración aprox 2 hores. Ye preciso inscribise n’Infoxixón. Tel. 985 341 771 / Corréu lletrónicu: infogijon@gijon.info

40 visites al añu, un tema por mes. Son les visites guiaes solidaries que va entamar Xixón Turismu, al traviés d’Infoxixón, a lo llargo de 2019 y que van tener una temática estremada cada mes. Tolo recaudao nes visites va dase a delles aiciones de responsabilidá social.