Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón llambión: visita guiada solidaria de setiembre

| Realiza tu reserva

Votos

(Total de votos recibidos 0)

(Puntuación 0)

visitas solidarias
Tolos domingos del mes, 1, 8, 15, 22 y 29 de setiembre, a les 12:00h. Lo recaudao va donase a la Fundación Hogar San José.
Llega setiembre y ye’l momentu de poner un toque dulce nes nueses visites guiaes solidaries. Nesta ocasión, vamos realizar un paséu curiosu de cuasique dos hores pel centru de Xixón, descubriendo requexos interesantes, edificios modernistes, el legáu urbanístico de Xovellanos y places y parques con historia abondo. Too ello combináu con dos prebes, per aciu del productu gastronómicu Gijón/Xixón Goloso, de llambionaes típiques de la ciudá.

‘Xixón llambión’ ye la propuesta pa esti mes de setiembre que forma parte del ciclu de visites guiaes solidaries que Xixón Turismu entama a lo llargo de 2019. Nesti casu, tolo recaudao ta empobinao a la Fundación Hogar San José.

La visita va realizase tolos domingos del mes (1, 8, 15, 22 y 29 de setiembre) a les 12:00h y tien un coste de 5€. Puntu d’alcuentru Infoxixón (Fomento). Duración aprox 2 hores. Ye preciso inscribise n’Infoxixón. Tel. 985 341 771 / Corréu lletrónicu: infogijon@gijon.info

40 visites al añu, un tema por mes. Son les visites guiaes solidaries que va entamar Xixón Turismu, al traviés d’Infoxixón, a lo llargo de 2019 y que van tener una temática estremada cada mes. Tolo recaudao nes visites va dase a delles aiciones de responsabilidá social.
Palabras clave Turismo, Gijón