Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Apocalipsis, l'espectáculu más brutal del Circo de los Horrores, aporta a Xixón

| Realiza tu reserva

Votos

(Total de votos recibidos 24)

(Puntuación 3,04)

apocalipsis
Del 17 al 26 de mayu, el Circo de los Horrores va afitar la so carpa na Av. Albert Einstein, en Xixón.
APOCALIPSIS, la cuarta entrega del Circo de los Horrores, aporta a Xixón del 17 al 26 de mayu nuna superproduición enxamás vista que va dexar al públicu ensin aliendu y con un mensaxe que nun dexará indiferente a naide.

APOCALIPSIS ye un espectáculu escitante, brutal ya intensu, que nun va dexar indiferente a naide. Un cóctel esplosivu d'ingredientes raros que se fusionen so una carpa xigante, nun escenariu espectacular, con música y voces en direuto, una téunica visual novedosa y actos circenses de gran magnitú.

Con una inversión de 3.500.000 euros, APOCALIPSIS ye l'espectáculu más grande del Circo de los Horrores, onde cuasi 100 persones de 10 nacionalidaes, ente artistes, téunicos y personal de xira, trabayaron por 2 años. Suso Silva (Premiu Nacional de Circu 2003), direutor y creador d'APOCALIPSIS, ye l'encargáu de dirixir a más de 50 artistes llegaos de les meyores escueles de circu de tol mundu, nun montaxe enorme en formatu teatral con un escenariu de 40 metros, una pantalla de 200 metros cuadraos y con la téunica del meyor circu, y más contemporáneu, que se realiza anguaño nel mundu.

APOCALIPSIS tresllada al espectador al mundu depués del colapsu, onde guerres, seques, malures, caos medioambiental y conflictos ente races dexaron un planeta afaráu, ensin malpenes recursos pa vivir y onde namái queda un grupu pequeñu de supervivientes, dividíos en clanes, que controlaron la tierra.

Esta cuarta entrega del Circo de los Horrores ñaz de la necesidá de crear un espectáculu onde se glaye fuerte pa recordanos que'l nuesu planeta ta enfermu y que ta nes nueses manos iguar esa situación.

EL CIRCO DE LOS HORRORES
El Circo de los Horrores reinventó'l circu, y fixo de l'anovación, la creatividá y la gayola ún de los pilares del so ésitu, creando nestos once años un segmentu nuevu de mercáu, ufriendo espectáculos nunca vistos, orixinales, anovadores y prestosos, dotaos d'un argumentu que ye'l filu conductor qu'enllacia una actuación con otra, faciendo que seyen llevaderos.

El contautu directu col públicu, l'humor adulto fresco ya intelixente y los meyores númberos de circu del mundu, faen que los espectáculos del Circo de los Horrores seyen los más aclamaos de los últimos tiempos. Arriendes d'ello, gracies al so calter universal, permite qu'un mesmu espectáculu puea ser presentáu ente espectadores de países y cultures distintes.

Espectáculu recomendáu pa mayores de 13 años