Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Cimavilla: visita guiada solidaria d’abril

Votos

(Total de votos recibidos 44)

(Puntuación 3,00)

Cimavilla
Tolo recaudao va dase a la Fundación por la Acción Social Mar de Niebla.
Percorrer el cascu antiguu de Xixón, el barriu de Cimavilla, y al mesmu tiempu collaborar cola Fundación por la Acción Social Mar de Niebla. Ye la propuesta pa esti mes d’abril que forma parte del ciclu de visites guiaes solidaries que Xixón Turismu entama en 2019.

La visita va percorrer les places y cais del barriu altu pa conocer los sos edificios y requexos más emblemáticos. La visita sal de la oficina turismu (Infoxixón) de Fomento y pasa pela plaza’l Marqués, la plaza Mayor, Campu Valdés, plazuela Xovellanos (inclúi un percorríu guiáu pel Muséu Casa Natal de Xovellanos), Torre’l Reló y restos de la muralla romana, plaza d’Arturo Arias, plaza la Soledá, capiella la Soledá, Cuesta’l Cholo y la escultura del Nordés. Dende ehí, xube a L’Atalaya pa terminar cabo l’Eloxu l’Horizonte, d’Eduardo Chillida.

La visita va realizase los díes 14, 19, 20 y 27 d’abril a les 12:00h y va costar 5€. Puntu alcuentru Infoxixón (Fomento). Duración aprox 2 hores. Ye preciso inscribise n’Infoxixón. Tel. 985 341 771 / Corréu lletrónicu: infogijon@gijon.info

40 visites al añu, un tema por mes. Son les visites guiaes solidaries que va entamar Xixón Turismu, al traviés d’Infoxixón, a lo llargo de 2019 y que van tener una temática estremada cada mes. Tolo recaudao nes visites va dase a delles aiciones de responsabilidá social. El ciclu enmárcase nel plan d’aiciones p’algamar el sellu Biosphere Empreses pa Infoxixón.

Sobre Mar de Niebla
Mar de Niebla ye una entidá ensin ánimu d’arriquecimientu que ñaz nel barriu La Calzada (Xixón) nel añu 2004. La so misión ye “trabayar la inserción social, llaboral y cultural de persones preferentemente en situación de vulnerabilidá dende un marcu socio-educativu y normalizáu”.