Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Estes empreses de Xixón apuesten pola sostenibilidá

Votos

(Total de votos recibidos 138)

(Puntuación 2,96)

distintivos compromiso biosphere
24 empreses de Xixón recibieron güei’l distintivu Compromisu Biosphere, que certifica’l so bon facer en materia de sostenibilidá. Xixón conviértese en Biosphere Gold Destination, una de les poques ciudaes del mundu que consigue esta mención.
Xixón promueve un modelu turísticu basáu nel respetu polos recursos de la ciudá en términos económicos, sociales, ambientales y culturales. Poro, la ciudá ta acabante de ser distinguida como Biosphere Gold Destination. Esta mención reconoz la estratexa en sostenibilidá turística desendolcada a partir de la certificación Biosphere, recibida en 2013, y el trabayu pa espardir esti compromisu a les empreses y servicios turísticos del destín. Xixón conviértese en ún de los primeros destinos del mundu en recibila.

La certificación Biosphere Destination la da l’Institutu de Turismu Responsable, serviciu asociáu a la UNESCO, miembru de la Organización Mundial de Turismu y miembru fundador del Conseyu Global de Turismu Sostenible (GSTC).

Ún de los retos de Xixón ye implicar al sector priváu y promover que les empreses y servicios de la ciudá trabayen por algamar un turismu más comprometíu y sensibilizáu. Pa ello, y tres el trabayu desendolcáu años atrás nel proyeutu llocal nomáu Xixón Turismu Responsable, Divertia Gijón punxo en marcha n’abril de 2018 el programa “Compromisu Biosphere Xixón”, un sistema con mayores mires, d’algame internacional y basáu nos 17 oxetivos de Desarrollu Sostenible de Naciones Xuníes integraos na Axenda 2030.

Tres esti añu primeru de trabayu, 24 empreses y servicios recibieron güei’l sellu Compromisu Biosphere Xixón. Nueve agospios, dos restoranes, un serviciu de catering, cinco comercios, tres museos y centros d’interés turísticu, un organizador profesional de congresos y eventos, la oficina de turismu Infoxixón, el Puertu Deportivu y una empresa d’alquiler d’autobuses afitaron práutiques a favor de la llucha escontra’l cambéu climáticu, bones práutiques de responsabilidá social, sofitaron la actividá económica, y fomentaron la cultura y tradiciones y el curiáu y respetu del entornu y el mediu ambiente.

Les empreses distinguíes son:

Alojamientos

  • Apartamentos Ceán Bermúdez Casería Cuetu Calter
  • Hotel Abba Playa Gijón
  • Hotel Costa Verde
  • Hotel La Polar
  • Hotel NH Gijón
  • Hotel San Miguel
  • Hotel Tryp Gijón Rey Pelayo
  • Parador de Gijón Molino Viejo

Restaurantes

  • Casa Trabanco
  • La Cuadra de Antón

Caterings

  • Catering Malena

Comercios

  • Alonsos Peluqueros, Menéndez Pelayo Alonsos Peluqueros, San Luis
  • El Olivar de Noega
  • Federico Verdú. Turrones y Helados
  • Huerta La Vega

Museos

  • Acuario de Gijón/Xixón
  • LABoral Centro de Arte y Creación Industrial
  • Laboral Ciudad de la Cultura

OIT

  • Infogijón

OPCs

  • mg.lab

Puerto Deportivo

  • Puerto Deportivo de Gijón/Xixón

Transporte

  • Autocares Cabranes
Güei ábrese’l plazu a otres empreses que tean interesaes en participar nel programa Compromisu Biosphere Xixón. Más información: contacto@gijonconcalidad.com / tel. 984 49 24 07.