Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Gijón Life sigue sumando estrelles a la so edición segunda

| Realiza tu reserva

Votos

(Total de votos recibidos 22)

(Puntuación 3,05)

Gijon Life
Raphael, Pablo López y Ara Malikian van facer parada nel festival xixonés. La sede de Gijon Life va treslladase a la esplanada delante de la Escuela Civil de Marina por mor de los trabayos nel parque Hermanos Castro.
Esta mañana, la organización de Gijón Life confirmó tres artistas nuevos pal cartelu de la so edición de 2019. Los cantantes Raphael y Pablo López y el vigulineru Ara Malikian van facer parada en Xixón el mes de xunetu viniente.

Estos conciertos nuevos súmense a los yá confirmaos primeramente: Operación Triunfo (21 de xunetu), Manuel Carrasco (24 de xunetu) ya Izal (27 de xunetu). Gijon Life va configurando un cartelu qu’apuesta pola variedá y qu’abarca un ampliu abanicu de xéneros musicales y edaes.

Pablo López, 17 de xunetu

Pablo López ye una de les voces más importantes del nuesu país. El so nome ye sinónimu de sinceridá, ésitu y arte. Aválenlo les sos dos nominaciones a los Grammys Latinos, los sos reconocimientos de premios nacionales como Los 40 Music Awards o los 25 millones de vistes del so tema “El Patio” (2017). Anguaño, Pablo López combina’l so ésitu musical cola so participación como coach nel programa musical d’Antena 3, La Voz.

Raphael, 18 de xunetu

Seis décades nos escenarios, una perbayurosa discografía, xires nacionales ya internacionales ya incursiones nel cine y nel teatru, faen de Raphael ún de los nomes propios de la música n’español. L’artista reinvéntase de nueves con esta xira cola qu’amuesa’l so trabayu caberu REsinphónico (2018) nel que repasa dalgunos de los ésitos que lu encumaron a lo más alto del panorama musical internacional, amestando’l soníu sinfónicu y el lletrónicu con maestría. Una oportunidá única d’esfrutar de grandes temes como “Yo soy aquel”, “Digan lo que digan” o “Mi gran noche”.

Ara Malikian, 23 de xunetu

El vigulineru llibanés consagróse como ún de los meyores músicos d’anguaño. namái acompañáu col so vigulín, Malikian pue tresportar al públicu dende les sos butaques hasta requexos máxicos onde redescubrir la música clásica y esfrutar de les sos versiones a vigulín de canciones de grupos como Led Zeppelin. La so música ye’l resultáu d’un llinguax personal, de les sos vivencies y de los estilos musicales estremaos qu’influyeron n’elli como’l flamencu, el tangu o la música oriental y xudía.

Gijón Summer Brunch, 28 de xunetu

Nos últimos años, un conceutu nuevu afitóse nos ambientes musicales de les grandes ciudaes: la música lletrónica nun ye namái pa la nueche. Con esa idea xurde Gijón Summer Brunch, un conceutu nuevu de conciertos lletrónicos pel día qu’avera esti xeitu musical a nuevos públicos. Yá nun va ser preciso tresnochar pa poder esfrutar de la meyor lletrónica y los asistentes van poder esfrutar albentestate d’esti nuevu conceutu de lletrónica pa tola familia.

Gijón Life camuda de sitiu
Pola mor de los trabayos nel parque Hermanos Castro pa la construición d’un pozu de tormentes, Gijón Life va celebrase esti añu na esplanada que llenda cola Escuela de Marina Civil de Xixón. Escoyóse esti nuevu allugamientu pola so cercanía a la ciudá y pol accesu cenciellu tanto en bus públicu como en vehículu de so. Arriendes d’ello, el recintu va tener un aparcamiento ampliu pa garantizar l’estacionamientu mientras los conciertos.

Les entraes pa los nuevos conciertos confirmaos van tar disponibles na páxina web del festival, www.gijonlife.com, a partir del martes 12 de marzu a les 12:00h.