Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Un avientu espectacular zarra’l meyor añu turísticu de la hestoria en Xixón

Votos

(Total de votos recibidos 30)

(Puntuación 3,00)

letronas noticia
La ciudá asturiana rexistró en 2018 442.497 viaxeros, un 4,4% más que en 2017. Les nueches d’agospiu medraron un 4% y algamaron les 872.316.
Xixón zarra 2018 como’l meyor añu turísticu de la so hestoria tres algamar la cifra de 442.497 viaxeros y 872.316 nueches d’agospiu, según los datos de la Encuesta d’Ocupación Hotelera asoleyada güei pol Instituto Nacional de Estadística (INE). Ye’l destín turísticu con meyor comportamientu d’Asturies y de tola España Verde, y sicasí l’únicu con datos positivos, nun añu que nun foi bono pal Norte, porque s’observa un nidiu descensu en viaxeros y nueches d’agospiu en cuasi tol restu de destinos.

La cifra de viaxeros medra na ciudá asturiana un +4,4% respeuto a 2017. Un añu más, l’incrementu más bultable rexístrase nel mercáu extranxeru, yá que la cifra algama los 73.130 turistes (17.628 más que l’añu caberu, un 31,8% más). Ye’l sestu añu consecutivu nel qu’esta cifra medra.

No tocante a la cifra de nueches d’agospiu (872.316), l’incrementu respeuto a 2017 ye del +4,0% y tamién ye’l más eleváu de la España Verde.

La tasa d’ocupación rexistrada en 2018 afítase nel 50,7% y crez un +5,6% respeuto al añu pasáu. Ye la meyor tasa d’ocupación de la serie hestórica de magar hai datos oficiales del INE.

La rentabilidá de los establecimientos (RevPAR) ye de 37,44 euros por habitación disponible (un +3,7% más qu’en 2017). Esto permitió al sector hotelero rexistrar una fauturación de 33,5 millones d’euros, un 1,0% más qu’en 2017.

Tolos indicadores rexistraron los meyores resultaos de magar se tienen datos oficiales (añu 2000).

Un avientu espectacular pal turismu en Xixón

Los datos d’ocupación hotelera rexistraos n’avientu afiten el bon comportamientu del turismu en Xixón anguaño. La cifra total de viaxeros agospiaos n’establecimientos hoteleros de Xixón nel mes últimu del añu foi de 30.369 persones, con una estancia media de 1,7 nueches. Esto representa un total de 52.207 nueches d’agospiu.

La cifra de viaxeros (30.369 persones) medra un +21,7% respeuto al mesmu mes del añu anterior y asítiase como la meyor de la serie hestórica pal mes d’avientu. El mercáu nacional crez un +23,3% y l’estranxeru un +5,9%. Xixón foi, un mes más, el destín con mayor incrementu de viaxeros de tol Norte d’España.

No que cinca a les nueches d’agospiu (52.207), l’incrementu respeuto a avientu de 2017 ye del +16,3%. Afítase un récor nuevu, yá que ye la primer vegada que la ciudá supera les 50.000 nueches d’agospiu nun mes d’avientu.
Palabras clave Turismo, 2019, 2018, Gijón