Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón 2019: un añu enllenu de vida

Votos

(Total de votos recibidos 29)

(Puntuación 3,03)

Agenda Xixon 2019
Divertia Gijón presentó güei na feria de FITUR (Madrid) l’axenda prevista pa Xixón en 2019. Descarga’l pdf cola axenda completa equí.
Divertia Gijón, la empresa municipal encargada de la promoción turística de Xixón, presentó güei na feria de FITUR (Madrid) l’axenda de la ciudá prevista pa 2019. Más de 200 actividaes yá afitaes pa ufrir a asturianos y visitantes una ufierta pergrande de posibilidaes. Teatru, música, cine, gastronomía, festivales, feries, congresos, deporte… Una montonera de propuestes entamaes poles alminsitraciones llocales, pero tamién por asociaciones y promotores privaes que sumen los sos esfuercios pa que Xixón seya de nueves el referente turísticu nel Norte d’España.

D’ente toes eses propuestes destaquen cites como:

  • Xineru: Xueves de Sidra (Tolos xueves del añu en sidreríes y restoranes de la ciudá).
  • Febreru: “In-Door Gijón”, 22 y 23. Festival nuevu de música lletrónica. Y “FETEN”, del 17 al 22, Feria Europea de Teatru pa Neños y Neñes.
  • Marzu: “Equinocciu de Primavera”, día 17, nel Xardín Botánicu Atlánticu. Y l’Antroxu, del 1 al 5 de marzu.
  • Abril: “Gijón Sound festival”, del 5 al 7. “Campeonatu d’Asturies de Pinchos y Tapes”, del 5 al 14 y el conciertu de Bob Dylan, el día 28.
  • Mayu: “LEV FESTIVAL”, del 2 al 5 de mayu, y el Mercáu Artesanu y Ecolóxicu, 11 y 12, y tolos segundos fines de selmana de cada mes.
  • Xunu: “III Regata de Globos Gijón desde el Aire”, díes 1 y 2, el V festival “Gijón Moto Weekend” y del 28 al 7 de xunetu’l VI Festival Metrópoli.
  • Xunetu: “XXXIII Selmana Negra”, del 5 al 15 de xunetu, el “VIII festival Arcu Atlánticu”, del 23 al 28 de xunetu y el XIV Festival Aéreu Internacional el día 21.
  • Agostu. “Kooza, de Cirque Du Soleil”, 1 al 31 d’agostu, el fesival de rock “Tsunami Xixón”, 2 y 3, la Selmana Grande, del 8 al 15, “l’EuroYeyé”, del 1 al 4, los conciertos de la Terraza del Botánicu, del 1 al 18, el musical “Adiós Arturo”, de La Cubana, del 8 al 18, la Fiesta de la Sidra Natural, del 19 al 25 y el Concursu Hípicu Internacional, del 28 d’agostu al 1 de setiembre.
  • Setiembre: “VIII Cultur3 Club”, del 5 al 8, la “Gran Mariscada”, del 13 al 15 y del 20 al 22, “l’Equinocciu de Seronda” nel Botánicu’l día 22 y la “Nueche Blanca”, el día 27.
  • Ochobre: “XIX Danza Xixón”, del 4 al 11, “XI Xixón de Sidra”, del 10 al 20 y “Calabaces y calaveres” nel Xardín Botánicu, del 26 d’ochobre al 3 de payares.
  • Payares: “Festival de Jazz”, del 7 al 10, el “57 Festival Internacional de Cine de Xixón”, del 15 al 23, les “Xornaes de la Cocina tradicional”, el día 22 y “XII Campeonatu de Pinchos de Xixón”, del 15 al 24.
  • Avientu. “Brillante Navidad”, del 6 d’avientu al 7 de xineru, el Festival de Gospel, del 13 al 15, la Copa Liberbank Free Style, el día 28 y la hestórica Carrera de San Silvestre el día 31.