Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El Teatru Xovellanos recibe’l distintivu ‘Compromisu de calidá turística’

Votos

(Total de votos recibidos 48)

(Puntuación 2,92)

teatro jovellanos
El Teatru Xovellanos xúnese al restu d’estayes de Divertia Gijón que yá amuesen esti sellu, como son el Xardín Botánicu Atlánticu, Infoxixón y el Xixón Convention Bureau.
El Teatru Xovellanos algamó la distinción Compromisu de Calidá Turística y pasa a formar parte del grupu privilexáu de doce teatros nacionales que llucen esti distintivu. Poro, súmase al restu d’estayes de Divertia Gijón que yá disponen d’esti mesmu sellu, como son el Xardín Botánicu Atlánticu, la Oficina d’Información Turística Infoxixón y el Xixón Convention Bureau.

El principal coliséu xixonés ye una de les seis empreses de Xixón distinguíes anguaño pela primer vegada con esti sellu de calidá, qu’acredita y reconoz l’esfuerciu realizáu poles empreses participantes, el compromisu cola calidá y l’ameyoramientu continuu y distingue a la empresa escontra la competencia.

Pa cumplir colos requisitos esixentes d’esti distintivu, el Teatru Xovellanos vien trabayando, nestos dos años caberos, n’ameyorar la seguridá, la señalización, los procedimientos d’evacuación, l’accesibilidá, la xestión interna, l’acoyida a les compañíes o artistes, la seguridá llaboral y la formación del personal, ente otros aspeutos. Arriendes d’ello, destaca por cuntar con una planificación y una programación bayurosa p’averar delles propuestes a tolos públicos.

El Sistema Integral de Calidá Turística Española en Destinos (SICTED) ye un proyeutu d’ameyoramientu de la calidá de los destinos turísticos puxáu pola Secretaría d’Estáu de Turismu (SET), col sofitu de la Federación Española de Municipios y Provincies (FEMP), que trabaya con empreses/servicios turísticos de hasta 32 oficios diferentes col envís últimu d’ameyorar la esperiencia y satisfaición del turista.

Les seis empreses de Xixón que van llucir el distintivu nes sos fachaes, pela primer vegada, a partir de xineru de 2019 son:

  • Ciudadela de Celestino Solar, na cai Capua, 7.
  • El Olivar de Noega, na plazuela de San Miguel, 1 (Capua).
  • Hotel Begoña, na avenida de la Costa, 44.
  • Hotel Begoña Park, na carretera de la Providencia, 566.
  • Restaurante Scaletta 5, na cai Ezcurdia, 8.
  • Teatro Jovellanos, nel paséu de Begoña, 11.
Ye preciso amestar a estes empreses les 22 que pasaron pel mesmu procesu nos meses de mayu y xunu, sumando dafechu 223 empreses y servicios turísticos col distintivu Compromisu de Calidá Turística en Xixón.

La ciudá entamó a trabayar con esti programa de calidá nacional nel añu 2004 y, de magar, ye líder en númberu d’empreses y servicios distinguíos.
Palabras clave Turismo, 2018, Teatro Jovellanos, Gijón