Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón fai un homenax a la sidra DOP con ‘Xueves de sidra’

Votos

(Total de votos recibidos 228)

(Puntuación 3,02)

Jueves de sidra
38 establecimientos ufren tolos xueves del añu sidra de denominación acompangao d’una cazuela a precios especiales.
Xixón ye una ciudá sidrera que cunta con una bayurosa historia na cultura de la sidra. Poro, dende’l Conceyu de Xixón, al traviés de Divertia, y Otea, hostelería y turismu n’Asturies, ponse en marcha un proyeutu pa dedicar un día de la selmana a la sidra. Asina xurde Xueves de Sidra. Cada xueves, nel grupu d’establecimientos participantes promociónase la sidra con Denominación d’Orixe Protexida ufiertándola xunto a una tapina a precios especiales.

Xixón tien un allugamientu privilexiáu, cunta con una montonera de llagares na redolada que presten enforma a tolos amantes d’esti oru llíquido asturiano. Poro, quierse da-y puxu, n’especial a la Sidra DOP, y destina-y un día de la selmana, los xueves, onde se beba sidra DOP y s’esfrute d’un pequeñu acompangamientu de cocina. Los acompangamientos son variaos: cazuela d’albóndigues de caza, oreya guisada, chipirones afogaos o ración de rabes, por poner unos exemplos.

La idea central que persigue esta iniciativa ye que, tolos xueves del añu, los establecimientos participantes tean a disposición de los sos veceros una promoción de botella de sidra DOP más un acompangamientu (cazuela o daqué asemeyao) que cada establecimientu considere más afayadizu p’acompañala. L’únicu requisitu ye que la ellaboración puea prebase na barra l’establecimientu, anque tamién pue ufiertase na mesa.

En Xixón, a partir d’esta iniciativa, los xueves esfrútase de la Sidra con Denominación. Poro, hai un motivu más pa salir a la cai y percorrer los establecimientos prebando dellos palos de sidra y les cazueles coles que s’acompañen. Asina con una ruta improvisada los xueves van ser más gayoleros y más asturianos. Los que visiten Xixón por motivos d’ociu o de trabayu van tener más cenciello conocer la cultura’l país.

Pa facilitar l’espardimientu de la iniciativa desendólcase una campaña de promoción con cartelos p’afitar nos restoranes participantes y tamién pegadielles identificatives y gastromapes col allugamientu de los establecimientos participantes col so horariu pa percorrer fácilmente les rutes de Xueves de Sidra.

Arriendes d’ello, tamién s’esparde con publicidá y na web d’Otea www.escapaasturias.com, onde hai una estaya pa Xueves de Sidra onde apaez una ficha de cada establecimiento participante, incluyendo tola información del sitiu, la sidra y la tapa o cazuela qu’ufre, el so preciu y la so xeollocalización en Google maps pa poder atopalu con toa facilidá. Asina resulta cenciello a los visitantes escoyer y averase al establecimientu que más-y pruya.

Esta iniciativa gastronómica cunta cola collaboración de dellos hoteles de la ciudá que disponen de gastromapes colos establecimientos participantes.

Caldía empléguense más les redes sociales pa conocer les actividaes de cualesquier ciudá. Xixón nun ye menos. Poro, Xueves de Sidra quier impulsar les interaiciones con un concursu en Facebook sortiando un Menú de la Reconquista (menú de calidá realizáu con productos d’Alimentos del Paraíso, con DOP ya IGP y otres marques de calidá) ente los que faigan una semeya de cualesquier de les ellaboraciones que consuman en Xueves de Sidra, la xuban al Facebook d’Otea indicando’l nome del sitiu y compartiéndolo col hashtag #JuevesdeSidra. D’últimes, ye preciso dar al “Préstame” na páxina de Facebook d’Otea.

Con éses, en Xixón cada xueves se fai un homenax a la Sidra DOP. Xixón curia los sos vezos y ufre una nueva oportunidá pa esfrutar de les sos cais y los sos establecimientos.

Participantes:

• Alberto
Bellavista
• Cabañaquinta
Canteli
• Caprichos De Gijon
• El Diablicu
• El Farton
El Requexu
• El Restallu
El Sauco
• El Tendido
El Museo
• Gijon
• Guaniquey
• La Cabaña
• La Cabaña Del Santu
• La Casona Jovellanos
La Galana
• La Montera Picona De Ramon
La Tabacalera
• La Terraza De Porceyo
• Les Neñes
• Los Campinos
Llagar De Begoña
• Nueva Uría
• Omnia
• Parrilla Alberto
Parrilla Antonio
Parrilla Muñó
Parrilla Muñó Poniente
• Parrilla Ramon
• Pernambuco Café
Río Astur
Rubiera
• Samara Café
• Sotamar
Tierra Astur Poniente
• Tropical