Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Ara Malikian, Nacho Vegas y Back to the 90’s encabecen el cartelu de la edición segunda de Metrópoli Winter

| Realiza tu reserva

Votos

(Total de votos recibidos 34)

(Puntuación 3,03)

metropoili winter 2018
Nos meses d’avientu y xineru, Metrópoli va ufrir en Xixón la so versión ivernal que yá cumple dos años
Metrópoli yá ye un sinónimu de música bona, espectáculos, gayola y entretenimiento en Xixón. Dende l’añu caberu, el festival programa un cartelu de conciertos y espectáculos pa que gxixoneses y turistes esfruten d’una programación cultural nes fiestes navidiegues.

Metrópoli Winter va ufrir propuestes pa tolos gustos y edaes en dalgunos de los espacios más emblemáticos de la ciudá como’l teatru de Llaboral Ciudá de la Cultura, el Palaciu de Deportes o la plaza de El Bibio.

BACK TO THE 90’S - 22 D’AVIENTU

Los años 90 supusieron la puxanza de la música disco n’España y pa combatir la señardá de munchos por esta dómina musical, Metrópoli Winter presenta un espectáculu pa esfrutar d’artistes de la dómina dorada del dance y viaxar nel tiempu a les discoteques de los 90.

El 22 d’avientu viniente, la plaza de El Bibio va abellugar esti espectáculu colos conciertos de 2 Unlimited, Technotronic, Whigfield y Viceversa nun conciertu que promete ser emblemáticu.

ARA MALIKIAN – 23 D’AVIENTU

Ara Malikian y el so vigulín tornen al Palaciu de Deportes de Xixón después del ésitu de les sos visites caberes. L’artista llibanés va facer una parada en Xixón cola xira The Incredible Tour of Violin el 29 d’avientu viniente.

Ara Malikian entamó a tocar el vigulín cuando yera entá un neñu y el so talentu sirvió-y de refuxu demientres la guerra civil llibanesa algamando, con cuatro años, una beca pa estudiar n’Alemaña. La so música ye’l resultáu d’un llinguax personal, de los sos vivencies y de los estilos musicales que lo influyeron como’l flamencu, el tangu o la música oriental y xudía.

PETER PAN, EL MUSICAL – 27 Y 28 D’AVIENTU

La hestoria de Peter Pan treslladó a delles xeneraciones a un mundo de fantasía onde los suaños son posibles. Baxo esta premisa y cola esperiencia que dan 18 años de representaciones, aporta al teatru de Llaboral Ciudá de la Cultura Peter Pan El Musical, un espectáculo onde los espectadores van poder revivir les aventures del neñu que nun crece en Nunca Enxamás al ritmu de Pop, Rock y Soul.

Demientres más d’una década, esti musical foi representáu per toa España faciendo delles temporaes en Madrid, Barcelona y Valencia. Arriendes d’ello, visitó’l West End llondinense y llevó la so maxa al Garrick Theatre de Llondres dos meses nel añu 2008. Darréu, viaxó a Méxicu onde realizó una xira peles ocho ciudaes más importantes del país y anguaño sigue representándose en dellos países como Uruguái, Colombia y Méxicu.

Una produición familiar de gran formatu que convenció al espectador nacional ya internacional con gran ésitu de crítica y públicu que yá conquistó a más de cuatro millones d’espectadores.

NACHO VEGAS – 29 D’AVIENTU

Nacho Vegas ye ún de los artistes más afitaos y respetaos del nuesu país. Dende’l so discu primeru en solitario, Actos inexplicables (2001) espublizó dellos discos y EPs, amás de colaboraciones destacaes con artistes de l’altor d’Enrique Bunbury o Christina Rosenvinge.

En 2010, llanzóse a l’aventura de l’autoedición asoleyando Marxophone, una plataforma d’autoedición discográfica cola qu’editó’l restu de los sos trabayos hasta’l momentu.
Nacho Vegas va actuar na Plaza de El Bibio pa repasar la so carrera y presentar el so trabayau nuevu: Violética (Marxophone, 2018) un discu doble nel que collaboraron Edu Baos, Abraham Boba, Manu Molina, Joseba Irazoki, Luis Rodríguez y César Verdú. L’álbum contién 18 temes y cuenta con delles collaboraciones ente les que destaquen les del Coru Antifascista Al Altu La Lleva, Cristina Martínez (El Columpio Asesino), Christina Rosenvinge o Maria Rodés, ente otros artistes.

FOLIXA DE NUECHEVIEYA – 31 D’AVIENTU

Metrópoli Winter propón la so folixa de nuechevieya na Plaza de El Bibio con una temática de puru xeitu Metrópoli.

DANI MARTÍNEZ – 12 DE XINERU

L’humorista Dani Martínez ye únicu nel arte de los monólogos y asina va demostralo’l 12 de xineru en Xixón. Nel so espectáculo nuevu, ¡Ya lo digo yo!, reina la improvisación, qu’ocupará gran parte del show. La idea principal básase en qu’hai temes que pasen inalvertios pa la mayoría de la xente y temes de los que toos falamos perriba, ensin entrar en detalles. Esos temes son los protagonistes del espectáculu que va contar con una gran pantalla, música, efeutos visuales ya imitaciones. Les rises tan aseguraes el 12 de xineru viniente nel teatru de Llaboral Ciudá de la Cultura.


Les entraes pa estos espectáculos van vendese por separao y van salir a la venta a partir del martes 16 d’ochobre na web de Metrópoli: www.metropoligijon.com

Palabras clave Gijón, Turismo, Música directo, 2018