Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Récor de pernoutaciones ya incrementu’l númberu de turistes y la estancia media en Xixón n’agostu

Votos

(Total de votos recibidos 15)

(Puntuación 3,00)

turistas
Medren los viaxeros (+2,2%) y les pernoutaciones (+0,8%), qu’algamen el meyor datu de la serie hestórica.
Según los datos oficiales asoleyaos güei pol Instituto Nacional de Estadística (INE), la cifra total de turistes agospiaos n’establecimientos hoteleros de Xixón nel mes d’agostu foi de 50.494 viaxeros, con una estancia media de 2,5 nueches. Esto representa un total de 124.480 pernoutaciones.

El númberu de viaxeros foi un +2,2% mayor que’l añu caberu. L’incrementu ye superior al rexistráu pal conxuntu d’Asturies (+1,2%) y a la media de les siete ciudades principales de la España Verde, que rexistraron en conxuntu n’agostu un descensu del -2,9%.

No que cinca al númberu de pernoutaciones, el medru foi del +0,8% respeuto a agostu de 2017 y algama’l meyor datu de tola serie hestórica. Esti incrementu contrasta col comportamientu de les siete ciudaes principales de la España Verde, que rexistren un descensu mediu del -1,3% nel so conxuntu.

La tasa d’ocupación rexistrada n’agostu aisitióse nel 82,2%. Ye un +1,8% superior al datu de 2017 y la más alta rexistrada na ciudad nun mes d’agostu de magar hai datos oficiales.

No que cinca a la tarifa media diaria (ADR), ésta afitóse en 101,92 euros, 4,84 euros más que la rexistrada n’agostu de 2017 (+5,0%). La rentabilidá de los establecimientos (RevPAR) foi de 87,86 euros por habitación disponible, 4,92 euros más que l’añu caberu (+5,9%). La fauturación del sector hotelero en agostu algamó los 6,8 millones d’euros, un +1,1% respeuto a agostu de 2017.

Acumuláu xineru - xunetu

Col pieslle de los datos d’agostu, atalántase que la cifra total de viaxeros agospiaos n’establecimientos hoteleros de Xixón nos ocho meses primeros del añu algama les 296.760 persones, afitando un récor nuevu na serie hestórica. Esta cifra supón un incrementu del +3,2% respeuto al mesmu periodu de 2017.

No que cinca al númberu de pernoutaciones, la cifra acumulada asítiase en 593.580, un nuevu máximu hestóricu. L’incrementu respeuto al mesmu periodu de 2017 ye del +2,6% y hasta del +23,6% ente turistes estranxeros.

Según la procedencia, los madrilanos ocupen el primer llugar (52.975 persones), los castellanos y llioneses el segundu (43.497 viaxeros) y los gallegos el terceru (26.059 viaxeros), siguíos de los vascos (22.886 persones).

Ésitu d’asistencia al Equinocciu y al Festival Marítimu

La fiesta del Equinocciu de Seronda del Xardín Botánicu Atlánticu axuntó esti fin de selmana a un total de 5.729 persones. El sábadu 22 de setiembre aportaron al Botánicu 1.907 persones (750 realizaron visita guiada de baldre); el domingu, 23 de setiembre, acudieron 3.822 persones (750 realizaron visita guiada de baldre).

No que cinca al Festival Marítimu de Xixón, la Fundación Nao Victoria informa que se superaron los 5.000 visitantes.
Palabras clave Turismo, 2018, Gijón