Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Actividaes pa celebrar el Día de la Ruta de la Plata

Votos

(Total de votos recibidos 10)

(Puntuación 3,00)

dia ruta de la plata
Entámase un pasaporte que va poder acuñase nel castru de la Campa Torres, la villa romana de Veranes y les Termes Romanes y va poder trocase por regalos. Arriendes d’ello, va ponese en marcha l’Arqueobús y van entamase paseos arqueolóxicos pel Xixón romanu
El día 18 de setiembre viniente va celebrase’l Día de la Ruta Vía de la Plata. Escomencipia un mes con eventos y actividaes a esgaya nos pueblos y ciudaes de la Ruta Vía de la Plata pa conmemorar una fecha simbólica: la nacencia de Marcus Ulpius Traianus, primer emperador nacíu fuera de la Península Itálica.

En Xixón va entamase, como l’añu caberu, el ‘Pasaporte romanu’. Ye una tarxeta que va poder acuñase ente’l 18 de setiembre y el 18 d’ochobre nos tres equipamientos romanos de la ciudá: el Parque Arqueolóxico-Natural de la Campa Torres, la villa romana de Veranes y les Termes Romanes de Campu Valdés. Esti va poder trocase por un regalu nos puntos d’información turística Infoxixón. Amás, quien lo apurra acuñáu participará nel sortéu de 2 bonos pal Festival Internacional de Cine de Xixón, entraes pa espectáculos de la seronda cultural y bonos Xixón Llambión.

Arriendes del ‘Pasaporte romanu’, entámense otres actividaes pal fin de selmana del 14 al 16 de setiembre pa conmemorar el Día Ruta de la Plata:

Talleres de caligrafía romana ARS SCRIBENDI

El calígrafu Ricardo Vicente Placed va impartir 4 talleres de caligrafía romana nel Muséu de les Termes Romanes de Xixón. Preciu: 5€ - Abonu 4 talleres: 15€. Inscripciones y pagu: Infoxixón (c/Rodriguez San Pedro s/n)

• Vienres 14 setiembre: Caligrafía DE BELLIS.
• Sábadu 15 setiembre: Caligrafía EPITOME.
• Sábadu 15 de setiembre: Caligrafía RÚSTICA.
• Domingu, 16 de setiembre: Caligrafía UNCIAL.

Xornada de recreación hestórica LUDUS DE TITO SERVILIO

El sábadu, 15 de setiembre, va haber una demostración de combate ente cuatro pareyes de gladiadores y una amuesa didáutica de panoplia, onde’l públicu va poder ver y probar los equipos de los gladiadores. Sedrá a les 12.30 hores en Campu Valdés. Actividá a cargu de l’asociación cultural Kérberos.