Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón enanta la so ufierta más llambiona

Votos

(Total de votos recibidos 175)

(Puntuación 2,58)

Gijon Xixon Goloso
Xixón Turismu asoleya de nueves la so ruta ‘Gijón/Xixón Goloso’ y da la oportunidá de prebar 19 especialidaes de 18 pasteleríes y xeladeríes de la ciudá asturiana con un bonu de 5 prebes (7€) o de 10 prebes (13€).
Bombón xelao de turrón, Gijonudo, Florentines, Princesites, Bombón de Cabrales y nueces, Amagüestu, Lazones, Pirámide de Chocolate, Bosque Astur, Pelayos, Xeláu d’arroz con lleche… Son dalgunos de los nomes suxerentes de les especialidaes de les pasteleríes, bomboneríes y xeladeríes xixoneses que participen en ‘Gijón/Xixón Goloso’. Xixón Turismu procura con esta ruta amosar la tradición y bayura dulce de la ciudá, que ye una de les que más pasteleríes tien por habitante n’España. Poro, asoléyase de nueves la ufierta que yá esistía dende 2009 pa incorporar especialidaes nueves y establecimientos recién llegaos.

Asina, la ufierta nueva de ‘Gijón/Xixón Goloso’ inclúi 19 especialidaes de 18 establecimientos de la ciudá. Pa prebalos, ye preciso mercar un bonu de 5 prebes (7€) o el de 10 prebes (13€) que van poder intercambiase en cualesquier pastelería, bombonería o xeladería integrada nel proyeutu. Los bonos mérquense nel puntu d’información turística Infoxixón (Puertu Deportivu y, en temporada, Escalerona) y puen emplegase en díes estremaos y también compartir.

Nesta edición nueva de ‘Gijón/Xixón Goloso’ caltiénense les pasteleríes de mayor tradición na ciudá y se inclúin tamién les qu’aportaron nos años últimos y que arriquecen la ufierta llambiona de la ciudá con propuestes minimalistes y creatives, con productos del país o otros d’alluendi’l mar. Delles pasteleríes, bomboneríes y xeladeríes que yá participaben na edición cabera caltienen la so especialidá y otres anovaron la so ufierta con propuestes nueves que yá se convirtieron n’iconos del establecimientu.

  • Aliter Dulcia (Isabel Pérez): Limoncito
  • Argüelles (Antonio Argüelles): Latido de Argüelles
  • Balbona (Pablo Balbona): Bosque Astur
  • Biarritz (Rosa Vílchez): Chapones de Xixón
  • Collada (Carlos Collada): Pelayos
  • Chokoreto (Ana Fernández): Pirámide de chocolate
  • Danas (Alejandro Díaz): Lazones de Xixón
  • Gloria (Rogelio Laviada): Trufa de mazana
  • Heladería Islandia (Iván Acebedo Noval): Helado d’arroz con lleche
  • Imperial (José Caride): Bombón de Cabrales y nueces
  • La Fé (Manuel Álvarez): Florentines y teyes de almendra
  • La Playa (Miguel Martín): Princesites de Las Playa
  • Madalenas de colores (Juan y Ana Méndez): Cupcake con arándanos
  • Moka (Juan M. Álvarez Díaz): Mini mousse a la sidra
  • Pomme Sucre (Julio Blanco): Amagüestu, Tarta Pomme Cuite
  • Punto Caramelo (Soledad Sebastián y Pablo José Villa): Alfajor argentino artesano
  • San Antonio (Covadonga Ainhoa de Pedro): Gijonudo
  • Federico Verdú (Laura y Pablo Arques): Bombón de xeláu de turrón
La guía nueva incide nes persones que tan tres estos establecimientos, que son los creadores y puxadores de les especialidaes. Son 21 homes y muyeres que tienen daqué que dicir y que-yos presta falar peles sos creaciones.

‘Gijón/Xixón Goloso’ ye un productu turísticu qu’amuesa la ufierta gastronómica de la ciudá. Otros productos gastronómicos qu’ufierta Xixón Turismu son Gijón/Xixón Gourmet y Ruta de la Sidra, que tamién tan en procesu d’anovación y que van asoleyase a lo llargo de 2018.