Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xixón Turismu sofita les empreses que quieran ser sostenibles

Votos

(Total de votos recibidos 81)

(Puntuación 3,05)

Biosphere empresas
La ciudá asturiana entama’l programa Compromisu Biosphere Xixón p’asesorar a les empreses que quieran ameyorar nel aforru y la xestión eficiente de recursos, participación en programes sociales, meyora de la formación del personal, compres de km. cero, práutica de xeitos saludables, ente otres.
Xixón Turismu entama güei “Compromiso Biosphere Gijón/Xixón”, un programa sofitáu pol Instituto de Turismo Responsable que tien como finxu tresmitir bones práutiques y vezos de xestión responsable nes empreses y servicios turísticos de Xixón. Ye un sistema d’algame internacional empobináu a los 17 Oxetivos de Desarrollu Sostenible de Naciones Xuníes que busquen desendolcar un impautu social, económicu y ambiental positivu nes empreses y na ciudá.

Les empreses que quieran participar nel programa van recibir asesoramientu p’afitar ameyoramientos venceyaos col aforru y la xestión eficiente de recursos, participación en programes sociales, meyora de la formación del personal, compres de km. cero, práutica de xeitos saludables, ente otres. Como resultáu, van algamar el sellu internacional “Biosphere Committed Company" o “Compromiso Biosphere”. La so anovación va ser añal.

Ye una oportunidá pa cualesquier empresa o serviciu turístico que desee formar parte de l’apueste pola sostenibilidá, lo que supón pertenecer a una comuña de destinos y empreses turístiques de sonadía a nivel internacional y formar parte del portal nuevu de venta d’esperiencies de Biosphere.

Destinos turísticos importantes como Barcelona, Portugal, Colombia o Canadá yá incorporaron a les empreses y servicios turísticos a trabayar colos parámetros “Biosphere”.

Esti ye un pasu más nel apueste de Xixón pola sostenibilidá. En 2013, la ciudá algamó la certificación Biosphere Destination, concedía pol Instituto de Turismo Responsable, y que cunta col sofitu de la UNESCO, la Organización Mundial de Turismu (OMT) y el Conseyu Global de Turismu Sostenible (GSTC).

Arriendes d’ello, va 3 años púnxose en marcha Xixón Turismu Responsable, un programa de bones práutiques sostenibles, pioneru, que güei da pasu a esti proyeutu nuevu Compromisu Biosphere Xixón.

Pa sumase al programa ye preciso contautar col tel. 984 49 24 07 o pel corréu lletrónicu contacto@gijonconcalidad.com.