Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

XV Alcuentros de la Mocedá cola Llingua: ¡Saca la llingua!

Votos

(Total de votos recibidos 2)

(Puntuación 3,50)

saca xv
Van celebrase’l martes 24 d'abril de 2018 nel Muséu del Pueblu d’Asturies y nel Salón d’actos del Recintu Ferial. Van participar al rodiu de 500 rapaces y rapazos matriculaos en clas d’Asturianu nos colexos ya Institutos d’Enseñanza Secundaria de Xixón.
Como tolos años, trátase d’una xornada lúdico-pedagóxica na que vamos averar la llingua asturiana a la mocedá de manera prestosa y diferente, col envís de que se pescancien de que l’asturianu tamién s’emplega fuera del aula.

Les actividaes van desenvolvesedemientres tola mañana y vanser les que vienen darréu:

Xuegos Tradicionales: Nel MEPA l’alumnáu va tener la posibilidá de conocer y prauticar xuegos y deportes d’Asturies como los bolos, la llave, los zancos, la rana, tiru cuerda, tiru al palu, etc.

Gymcana cultural: Per grupos, acompañaos del profesoráu y de monitores d’apoyu, les moces y mozos habrán trabayar en comuña pa dir superando pruebes estremaes al traviés del MEPA, amás de dir contestando entrugues sobre Xixón, sobre los fechos asocedíos n’Asturies nestos caberos 15 años, dalguna cosadiella, refranes, etc. Pal desenvolvimientu de la gymkana vamos cuntar cola bultable colaboración de delles persones mui venceyaes a la escena cultural asturiana d’anguaño.

Tres d’estes xeres y pa rematar la xornada, toles persones participantes van aconceyar nel Salón d’Actos del Recintu Ferial pa esfrutar de la d’una gala de cellebración de los XV Alcuentros de la Mocedá cola llingua: nella va proyeutase un vidiu-resume d’estos 15 años, vamos sintir nun monólogu a un personaxe que nació -cuantayá- nos Alcuentros, vamos tener un concursu d’entrugues ente institutos y como novedá, vamos iguar ente toes y toos una ‘caxa del tiempu’ na que vamos dir metiendo los nuestros petites o deseos pa col asturianu, pa con Xixón y pa cola sociedá asturiana: esta caxa va tar visible na Oficina de Normalización hasta la so apertura nos XX Alcuentros de la Mocedá cola Llingua -en 2023-.

¡Yá ta too preparao pa qu'esfruten de la xornada!