Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Confirmaciones nueves del Gijón Sound Festival

| Realiza tu reserva

Votos

(Total de votos recibidos 5)

(Puntuación 3,00)

logoGSF2018_3
ALA.NI, Viva Suecia (Conciertu Mahou Cinco Estrellas), Jack J Hutchinson, Buen Suceso y Texxcoco (artista AIE) axúntense a los artistes yá confirmaos: Mercury Rev, L - R, The Limboos (artista AIE), Fee Reega, Kurt Baker Combo, Tupper, Sleaford Mods, La M.O.D.A. (Conciertu Mahou Cinco Estrellas), María Aranal i Marcel Bagés, Pablo Und Destruktion y Bigott.
Viva Suecia va venir de la mano de Mahou a Gijón Sound Festival, que se celebra del 12 al 15 d’abril, onde va actuar nel Espacio Mahou. Son, ensin dulda, ún de los grupos del añu. Apaecieron en toles llistes de lo meyor del añu, meyor discu, meyor canciu, meyor direutu, de más rápida ascensión... Dieron 71 conciertos y algamaron 29 soldouts. Asitiáronse nel puestu décimu de la llista oficial de ventes, onde se caltuvieron 10 selmanes. Amás, recibieron el Premiu de la música independiente a Meyor Canciu por "Bien por ti" y tuvieron nominaos a Meyor Artista Español nos MTV European Music Awards.

Nel entamu d’añu traen la reedición del so discu segundu "Otros Principios Fundamentales", con dos temes nuevos y presenten la candidatura a liderar el relevu xeneracional de les bandes nueves de la escena nacional del nuesu país.

ALA.NI ye’l nome artísticu d’Alani Charal, cantautora llondinense d’orixe antillanu qu’entamó a exercer de corista pa dellos artistes como Mary J. Blige, Blur o Andrea Bocelli. Comparáronla con Billie Holiday. El so discu primeru "You & I" cuntó con Andrew Hale (Sade), que la ayudó a producir unos cancios qu’amiesten el romanticismu señardosu de les balaes de la dómina del swing con un toque soul contemporáneu.

Jack J Hutchinson, guitarrista y cantante compositor residente en Llondres. Descritu pola revista Classic Rock Blues como "Ñacíu pa cantar soul and blues", en 2015 y 2016 nomináronlu pa los British Blues Awards. Seis de los sos cancios yá foron recomendaes na revista Classic Rock Blues. Tamién remaneció davezu nel Top 40 de blues de IBBA y recibió afalagos y crítiques positivas de publicaciones como Blues In Britain y la revista Blues Matters.

Buen Suceso, una banda orixinaria de Xixón que, dende 2006, lleva al jazz cancios tradicionales fundamentalmente de Llatinoamérica, homenaxeando siempres en caún de los sos discos a autores d’esti continente, amás d’incluyir paulatinamente composiciones de so.

Texxcoco, artista AIE, son una banda creada en Las Palmas de Gran Canaria con un estilu ente’l garage, el punk, el rock alternativo y el noise rock y un direutu aclamáu dafechu pola so brillantez y frescura. Son una de les bandes con más proyeición de la escena independiente, dende la so participación nel Fuzzville de 2016.

Abonos

A la venta l’abonu del festival por 55€ que da accesu tamién a les obras de teatru del Teatru Xovellanos. No que cinca a la Sala Memphis, el públicu con abonu tien accesu a la sala, pero nun tará garantizáu pola mor del aforu.

ABONU GSF A LA VENTA

Amás, sal a la venta l’Abonu La Llaboral, que por 20€, va sirvir pa los conciertos que se celebren ellí, tanto na ilesia como nel teatru, onde les entraes nun van tar numberaes.

ABONU LA LLABORAL A LA VENTA



Anulada l’actuación de Niños Mutantes en Gijón Sound
Llamentablemente, nun vamos poder cuntar con Niños Mutantes, porque:
"Por cuestiones de agenda y producción de la banda, lamentamos comunicar que Niños Mutantes no podrá estar en el Gijón Sound. Esperamos poder vernos pronto" Mutantes.
Palabras clave Turismo, 2018, Música directo, Gijón