Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Gijón Life, más vida pal branu la ciudá

| Realiza tu reserva

Votos

(Total de votos recibidos 6)

(Puntuación 3,17)

Gijon Life
Bunbury, El Barrio, Pablo Alborán, Dani Martín o el Festival LOVE THE 90´S van ser los protagonistes del ciclu musical que va allugase nel parque Hermanos Castro la selmana cabera de xunetu
El branu xixonés va tener anguaño un proyeutu nuevu con grandes eventos musicales: Gijón Life, que va allugase nel parque Hermanos Castro del 19 al 29 de xunetu.

Una produición espectacular afayadiza pa un espaciu orixinal a 200 metros escasos de la sablera de San Llorienzo.

Les promotores 2Monkeys Producciones, Bring The Noise, Last Tour internacional, BigStar o Getin van da-y conteníos a esti espaciu nel que yá se celebraren grandes eventos como la Copa Davis o delles representaciones de Cirque Du Soleil.

Los conciertos van incluyise nel marcu del Festival Arcu Atlánticu, a los que van sumase otros conteníos, como esposiciones que van allugase dientro d’esi recintu.

Estos conciertos van entamar a les 22:00 hores pa finar enantes de la 1:00 sacante’l gran espectáculu LOVE THE 90´s que va abrir puertes a les 20:30 y finará al rodiu de les 3:00 de la madrugada.

Entá queden dellos artistas por remanecer y estos son los espectáculos confirmaos pa Gijón Life 2018.


20 xunetu - Dani Martín

Camuda'l llugar del so conciertu na plaza de Llaboral Ciudad de la Cultura al parque Hermanos Castro pa incorporase al cartelu de GIJÓN LIFE. Les entraes mercaes pa la Llaboral son válides pa esti nuevu sitiu y los canales de venta siguen siendo los mesmos www.danimartin.com.es y canales de venta Liberbank.

‘Grandes Éxitos y Pequeños Desastres’ ye un percorríu pelos 18 años de carrera de Dani Martín al frente d’El Canto del Loco y en solitario.

El madrilanu foi vocalista de la banda de más sonadía del pop “cola que valtiaron récors y algamaron una montonera de premios: dellos Ondas y 40 Principales, dos MTV Europe Music Awards, seis álbumes d’estudiu y más de dos millones de discos vendíos son parte de la hestoria d’El Canto del Loco.

En solitario, Dani Martín espublizó fasta agora tres álbumes d’estudiu y unu en direuto. Con 'Pequeño', el so primer trabayu, sorprendió a la crítica y algamó’l discu triple de platinu con cuatro selmanes siguíes nel nº1 de les llistes de ventes n’España y 2 años na llista de los discos más vendíos.

Canal de venta: www.danimartin.com.es
Preciu xeneral: 30 € + gastos de distribución


21 xunetu - Love the 90’s

“El festival de los 90 que nun pudisti vivir nos 90”. Asina se define “Love 90’s. Un espectáculu que xurde d’un proyeutu que escomencipió nes redes sociales cola páxina de Facebook ‘Yo salía de fiesta en los 90’, que sirvió p’axuntar y canalizar el sentimientu de señardá hacia la música y los artistes que marcaron la mocedá de munchos, y pa dir diseñando lo que sedría’l gran conciertu Love the 90’s.

Les redes sociales foron la plataforma principal de promoción y espardimientu d’un conciertu que congregó na so primer edición a artistes internacionales como Corona, Jenny de Ace of Base, Technotronic, 2 Unlimited, Snap! y Whigfield y a otros nacionales como Chimo Bayo y OBK, y vendió toles llocalidaes del WiZink Center de Madrid (un total de 17.000) nun tiempu récor de 10 díes.

L’ésitu algamáu dio-y punxu pa que’l concietu se convirtiera nuna xira con más artistes invitaos como Gala, Vengaboys o Culture Beat, ente otros, y aconceyando a 70.000 espectadores dafechu.

Un viaxe al pasáu y una oportunidá única pa revivir aquellos prestosos…¡Años 90!

Canal de venta: Ticketea

Precios:

Ufierta de llanzamientu (primeres 1000 entraes): 38 € + gastos de distribución
Xeneral: 42 € + gastos de distribución
VIP Premium: 67 € + gastos de distribución

Cola entrada PREMIUM podrás entrar al recintu per un carril esclusivu y siguir los conciertos dende la Zona Premium de pista de pie, un espaciu acutáu delantre l’escenariu pa vivir de cerca toles actuaciones. En llegando apurrirémoste un tique de consumición válidu pa refrescu o cerveza. Pa que nun t’escaezas del conciertu regalarémoste una acreditación conmemorativa. Vas recibir horarios y accesos per corréu lletrónicu si merquesti per internet o podrás consultalos en www.firstgoldenticket.com

22 xunetu -El Barrio

Pop y rock andaluz y un xeitu únicu que-y dará un toque flamencu a Gijón Life. Con un discu nuevu sol brazu, “Las Costuras del Alma”, docenu na so discografía, El Barrio ufrirá un espectáculu colos temes caberos y los más coreaos polos sos fans.

Tien vendío más de tres millones de discos na so carrera y ye l’artista que más vegaes enllenó’l WiZink Center de Madrid, nada más y nada menos que 17. Con esta xira nueva yá fixo sold out en delles ciudaes de España.

El gaditanu aporta esta vegada con trece cancios nuevos nos que metióse na piel d’un xastre de corazones vieyu pa cuntanos hestories nueves al traviés de la música.

Canal de venta ufierta de llanzamientu (8 febreru al 18 febreru): EL Corte Inglés: 30 € + gastos

Canal de venta dende’l 18 de febreru www.gijonlife.com - 38 € + gastos de distribución

26 xunetu - Bunbury

La hestoria del rock español nun s’atalanta ensin un artista como Enrique Bunbury. Foi cabezaleru de la banda Héroes del Silencio fasta 1996, considerada como una de les cumes del rock n’España y Latinoamérica. El grupu, n’activo más d’una década, vendió más de seis millones de discos en 37 países.

Depués de la disolución de la banda, Enrique escomencipió a desendolcar los sos proyeutos personales, lo que sedría l’aniciu d’una carrera enllena d’ésitos con cuasi una ventena de discos.

L’escenariu de Gijón Life pon el so broche d’oru col “Ex Tour 17-18” de Bunbury. Una oportunidá pa sentir pela primer vegada en direuto los temes del discu “Expectativas”, un trabayu nuevu enllenu d’ironía , crítica social y humor negro. Un discu que l’artista define como “escuru pero con pequeños refuxos”, dalgo que vemos en temes como “Parecemos tontos” y “La actitud correcta”.

Canal de venta www.gijonlife.com

Precios: Pista: 45 € + gastos / Grada: 55 € + gastos


27 xunetu: Pablo Alborán

Alborán xúbese de nueves a los escenarios con ‘Prometo’, el so cuartu discu d’estudiu, la so creación más personal y na qu’arriesga más con soníos y xéneros musicales mui estremaos a los que nos tien avezaos nel so repertoriu caberu.

L’espectáculu, única fecha n’Asturies, ye’l resultáu d’años d’ésitos con 42 discos de platinu y númberos unu en tolos trabayos qu'asoleya.

L’espectáculu axuntará minimalismu y espectacularidá, sofisticación y cencellez, elegancia y personalidá p’algamar la semeya perfeuta nel escenariu de la esencia de Pablo como artista.

Canal de venta www.gijonlife.com

Precios: 32 € + gastos