Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

The Prodigy ye'l nuevu cabezaleru del Tsunami Xixón 2018

Votos

(Total de votos recibidos 4)

(Puntuación 2,75)

prodigy2
Ya nun fai falta aguardar más. Allégranos el confirmar un grupu nuevu que va acompañanos esti añu nel Tsunami. Ensin dulda, son ún de los reis de la lletrónica. Poro van encabezar ún de los díes del Tsunami Xixón. Ye un arguyu anunciar que los ingleses The Prodigy van actuar esti branu nel nuesu festival. De xuru van esmagar la boolera na nuesa ciudá. Con temes tan míticos como "Smack My Bitch Up", "Breathe", "Omen" o "Invaders Must Die" van facenos blincar y esfrutar hasta altes hores de la nueche. Va ser la única fecha nel norte d'España esti añu y va presta-yos tanto a los fans de la lletrónica como del rock más dinamiteru. Afáyate, ¡porque va ser un conciertu de restallu!

Anque entá queden una montonera de bandes por remanecer, recordamos que yá tenemos 10 bandes anunciaes y esta edición segunda del festival promete más que nunca:

Tsunami Xixón 2018 (Oficial):
  • The Prodigy
  • Bad Religion
  • The Hives
  • Lagwagon
  • Millencolin
  • The Vintage Caravan
  • Los Coronas
  • Viva Belgrado
  • Dead Bronco
  • Green Desert Water

Los abonos van caltenese al preciu d'agora de 49 € + gastos hasta'l 1 de febreru prósimu a les 23:59, cuando'l preciu va xubir. Poro nun aguardéis muncho pa coyer el vuesu pase.

¡Nun podéis perderos una de les cites más prestoses d'esti branu! Esperámovos en Xixón, nel Tsunami.