Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La Siroko Surf League afayaráse en Xixón

Votos

(Total de votos recibidos 5)

(Puntuación 3,00)

siroko surf league
Siroko estrena la primer Lliga de surf que se celebra n’España. Trés pruebes (Zarautz, Xixón y Pantín), más de 30.000 euros en premios y los meyores 48 surfistes de la nuesa xeografía nuna competición que se vien reclamando dende cuantayá.
Los que conocen Xixón nel branu saben que ye una de les ciudaes más prestoses d’España: foles, sol, playa, munches sorrises y, de xuru, un poco de sidre para refrescase. La Siroko Surf League celebrará la so segunda prueba nel mes de xunetu na ensenada de San Llorienzo, en Xixón. Atoparemos muncha espeutación y l’ambiente únicu que se vive nuna de los arenales urbanos más venceyaos al mundu del surf de tol país. Coles condiciones afayadices, San Llorienzo cunta con cumales de muncha calidá. ¡Puxa Asturies!

En Siroko apostaron pola so pasión y entamaron la primer lliga de surf profesional que se celebra n’España. Nos meses de branu, los meyores surfers del nuesu país van llluchar pol títulu en trés pruebes que xunirán la emoción de la competición y el meyor ambiente. Zarautz, Xixón y Pantín son los trés spots escoyíos finalmente pa estrenar la primer edición de la Siroko Surf League. Ensin dulda, los trés conceyos cunten con una tradición surfera fuerte, bones foles, un paisax espectacular y una animación ablucante (sobre manera nel branu).

Amás de repartir premios económicos importantes, la Siroko Surf League destaca pola paridá: mesmu númberu de moces que de mozos, mesmos premios y condiciones asemeyaes nos sorteos de mangues. Arriendes d’ello, tamién apurriránse dos wildcard pal QS6000 de Pantín a los ganadores finales.

Llugar
Playa de San Llorienzo, Av. Rufo García Rendueles, 33203 Xixón, Asturies

Fecha
15 y 16 de xunetu de 2017

Más información
Palabras clave Turismo, 2017, Gijón