Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xornaes colos scouts nel Botánicu

Votos

(Total de votos recibidos 0)

(Puntuación 0)

scouts
Un programa de tres díes, entamáu en collaboración cola Asociación Scouts d'Asturies, onde neños, xóvenes y adultos compartirán espaciu y actividaes venceyaes cola educación, l’emplegu y la sostenibilidá del mediu natural.
  • Díes 19, 20 y 21 de mayu
(*) Visites guiaes
De 11 a 12.30, de 13 a 14.30 y de 16.30 a 18 hores

Un percorríu pa conocer la flora y vexetación del nuesu territoriu cantábricu y descubrir esa gran “fábrica de plantes” presente nel nuesu planeta, con especies que dende cuantayá nos alimenten, nos visten y nos curien.
Aforo limitado (30 personas/turno)

Esposición de materiales y documentos scout
De 10 a 18 hores

Tipos de campamentos, construiciones scout, tipos de fogueres, decoraciones típiques de construiciones scouts, uniformes, pañoletes y dellos materiales.

  • Días 20 y 21 de mayu
(*) Talleres d’Introduición al mundu de los fungus (6 a 99 años)
De 11 a 12.30, de 13 a 14.30 y de 16.30 a 18 hores

Actividá didáutica pa conocer a estos organismos que cunten col so reinu (reinu Funghi) y que son muncho más que setes. Vamos cuntar col sofitu de material didáuticu y descubrir, nun paséu pol Xardín, les sos estratexes vitales.
Aforu limitáu (30 persones/turnu)
Imparte: D. Jose Manuel Balbuena Suárez (Veterinariu y miembru de la SAM)

(*) Talleres sobre Polinizadores (6 a 99 años)
De 11 a 12.30, de 13 a 14.30 y de 16.30 a 18 hores

Nel Aula El caxellu viaxeru y nun paséu pol Xardín descubriremos que’l trabayu de los inseutos polinizadores ye vital na reproduición de les plantes y na nuesa supervivencia. Conoceremos les sos amenaces principales, ente les que destaca l’espardimientu d’un depredador comedor, l’aviespa asiática.
Aforo limitado (30 personas/turno)
Imparte: D. Casimiro Sixto y D Félix Méjica (Presidente y Vicepresidente, respeutivamente, d’ADAPAS)

(*) Talleres de fuelgues (3 a 10 años)
De 11.30 a 12, de 13.30 a 14, de 17 a 17.30 y de 18 a 18.30 hores

A partir de delles propuestes d’animales, vamos convidar a los más nuevos a simular les fuelgues en barru y pintales de dellos colores.
Aforu limitáu (10 persones/turnu)

(*) Talleres de campismu (6 a 99 años)
De 12 a 12.30 y de 17.30 a 18 hores

De primeres, conoceremos el montaxe correutu d’una tienda de campaña y, de segundes, la preparación correuta d’una mochila de campamentu, cola esbilla del material mínimu pa llevar.
Aforu limitáu (10 persones/turnu)

(*) Talleres de pulseres xiblatu de supervivencia (11 a 99 años)
De 13.30 a 14 y de 18 a 18.30 hores

Deprenderemos a facer pulseres de supervivencia con carauterístiques que les convierten nun componente peratrayente p’actividaes de supervivencia
Aforu limitáu (10 persones/turnu)

(*) Talleres de cabuyería (6 a 99 años)
De 11.30 a 12 y de 17 a 17.30 hores

Nesti taller vamos afondar na disciplina de la cabuyería, l’arte de facer enguedeyos, los sos tipos y les sos aplicaciones.
Aforu limitáu (10 persones/turnu)

Xuegu de rastrexu
11 a 18 hores (nun ye preciso inscribise enantes)

Xuegu de pistes scout nel que’l rastrexador, al traviés de les pistes y la señalización scout, sorteará dellos obstáculos y pruebes. Ye una actividá que potencia’l trabayu en comuña y la participación.

  • Y amás…

Acampada
• De les 19 hores del vienres 19 a las 10 hores del sábadu 20
• De les 19 hores del sábadu 20 a les 10 hores del domingu 21

Una aventura nuna acampada na que contemplarás aves, mamíferos o inseutos qu’habiten nel Xardín Botánicu. Escucharás los soníos de la nueche (rapaces como’l cárabu, el miagón o la curuxa). Pasiarás y descubrirás les biesques naturales que nos arrodien. Participarás en talleres de fuelgues y rastrexu. Observarás los astros al traviés de telescopios potentes (si’l tiempu lo permite).
Actividá limitada a SCOUTS d'Asturies

Actividaes ensin coste adicional sobre’l preciu de la entrada (Adultu: 2,90 €; De 12 a 26 y mayor de 65 años: 1,80 €; menores de 12 años: de baldre)

(*) Actividaes con inscripción previa en:
- Taquilla
- esti enllaz

COLLABOREN:
Colectivo Ornitológico Carbayera del Tragamón
Sociedad Astronómica Asturiana OMEGA
Asociación para la Defensa de la Abeja del Principado de Asturias (ADAPAS)