Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Conciertu de Ricky Martin

| Realiza tu reserva

Votos

(Total de votos recibidos 13)

(Puntuación 3,15)

ricky martin
Ricky Martin va actuar na Plaza la Llaboral de Xixón el sábadu 3 de xunu prósimu como parte de la so xira española, que, según adelanta, sedrá una gran folixa pa «baillar hasta'l cansanciu».
Ricky Martin torna a los escenarios del nuesu país depués de protagonizar una de les xires de más ésitu anguaño, que colgó'l cartelu de 'Nun hai entraes' nos sos shows españoles del añu pasáu.

Ricky Martin aporta con un espectáculo que cunta con xuegos d'illuminación estraordinarios, diseñaos con más de 150 lluces móviles y cinco pantalles de videu d'alta definición; una escenografía moderna en sincronía col xeitu visual y musical; cambéos de vestuario y coreografíes ablucantes complementen la proyeición escénica del artista, que dende'l primer momentu llama l'atención del públicu.

L'artista entrégase peles cuatro estayes del show: dance, rock, balaes y tribal, con un repertoriu que tresporta a la audiencia per dellos estaos emocionales y rítmicos, al empar que nos tresporta pela so trayeutoria musical. Vamos poder velu en direuto'l 3 de xunu na Plaza de la Llaboral de Xixón.

Ésitos como 'Come With Me', 'She Bangs', 'La Mordidita', 'Tal Vez', 'Livin' la Vida Loca''Pégate', 'Adiós', 'La Bomba', 'Cup Of Life', 'Asignatura Pendiente' y el so 'Vente Pa' Ca' recién, ente otres, son parte del repertoriu que los sos siguidores podrán esfrutar nesta xira nueva.

Amás, el cantante aprovecha cada cita col públicu p'afianzar la so llucha escontra la trata humana, una xestión humanitaria qu'igua al traviés de la fundación col so nome y que tien como prioridá trabayar pol bienestar de la infancia en riesgu per aciu de programes que fomenten la educación, la salú y la xusticia social.

Depués del ésitu de 'La Mordidita', tema incluyíu nel so álbum caberu, el 23 de setiembre sacó a la venta 'Vente Pa'Ca', un single nuevu en collaboración con Maluma que yá ye ún de los hits en llingua castellana del 2016. Algamó los puestos primeros de les llistes en Chile, Colombia, República Dominicana, Guatemala, Mexicu y Panama y afayóse direutamente nel númberu ún del Billboard Latin Digital. En namás una selmana consiguió 14 millones de reproducciones y en spotify cunta anguaño con más de 127 millones d'escuches.

Entrada xeneral: 50€ + gastos de distribución

Entrada premium: 100€ + gastos de distribución