Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Esti vienres fina'l plazu d'inscripción pal procesu de selección del Xuráu Mozo 48 FICXixón

Votos

(Total de votos recibidos 195)

(Puntuación 2,92)

FIC Xixon
El Xuráu Mozo ye yá una vieya y afitada tradición del Festival Internacional de Cine de Xixón.
El Xuráu Mozo ye yá una vieya y afitada tradición del Festival Internacional de Cine de Xixón. Dende va venti años, al rodiu de 2.220 mozos y moces premiaron títulos tan renomaos como Vals con Bashir, d'Ari Folman; Juno, de Jason Reitman; Together y Lilya 4-Ever, de Lukas Moodysson; o los curtiumetraxes El beso de la tierra, de l'asturiana Lucinda Torre, La primera vez, de Borja Cobeaga y Esposados, de Juan Carlos Fresnadillo.

Diez mozos y moces d'ente 17 y 25 años, van tener la oportunidá de participar de mou más activu nel certame y, poro, inxertase nel so desarrollu, dando'l Premiu Caxastur Xuráu Mozo al meyor llargumetraxe, valoráu en 15.000 euros, y el Premiu Caxastur Xuráu Mozo al meyor curtiumetraxe, dotáu con 6.000 euros, d'ente toles películes presentaes na Seición Oficial.

Les persones que nun queden seleicionaes van participar darréu nel sortéu d'un lote de cinco películes editáu por AVALON, qu'inclúi títulos como A time for drunken horses de Bahman Ghobadi, la dura historia d'un neñu de 12 años que se xunta a un grupu de contrabandistes pa poder pagar la operación del hermanu; o'l retratu d'una de les lleendes del underground d'Atlanta, Benjamin Smoke, dibuxáu polos direutores Jem Cohen y Peter Sillen. Tamién ta nesta recopilación Dog Day d'Ulrich Seidl (Premiu Principáu d'Asturies al meyor llargumetraxe en 2001), seis histories xuníes por un paisaxe común, les afueres de Viena. Completen el quitetu Adam & Paul de Lenny Abrahamson que cuenta la historia de dos amigos de la infancia qu'amostiaron hasta volvese dos drogadictos desesperaos xuníos pola necesidá; y pa rematar, Old Joy de Kelly Reichardt, otra pareya d'amigos pero nuna clave distinta, la del alloñamientu.

Esta vez, les persones interesaes tendrán d'apurrir un escritu de 150 pallabres como muncho o un videu que nun perpase los dos minutos de llargor diciendo les razones poles que quieren ser Xuráu Mozo de la 48 edición del Festival, y tamién la ficha d'inscripción, el curriculum vitae del solicitante y una copia del DNI en formatu ".jpg". Tola documentación tendrá d'apurrise nes oficines del certame, na cai Cabrales, 82, o per Internet, a la direición protocolo@gijonfilmfestival.com, en formatu ".doc" o ".pdf" pa les solicitúes per escrito y en formatu ".avi" o ".mpg4" pa les solicitúes en videu.

Les persones que pasen el procesu de seleición tarán nuna llista espublizada na web www.gijonfilmfestival.com, y tamién nel catálogu del Festival, magar que se va notificar en persona. El plazu de presentación de solicitúes acaba'l 29 d'ochobre, a les 14 hores.

Reglamentu y Ficha p'apuntase
Palabras clave FIC-48 edición, Gijón