Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Esti domingu 7 de xunu nel Teatru Xovellanos celébrense los conciertos de "Cantar Presta Muncho"

Votos

(Total de votos recibidos 233)

(Puntuación 3,09)

cantar presta muncho
Dos sesiones: 12:00 y 18:00 hores
La Oficina de Normalización Llingüística del Ayuntamientu de Xixón presenta'l proyeutu "Cantar presta muncho" que tien l'envís d'averar a los escolinos y escolines del nuesu conceyu a la música coral d'una manera cenciella, abierta, activa y participativa. Cola coordinación de Nacho Fonseca, los maestros y maestres trabayan a lo llargo de tol cursu colos coros de los colexos inscritos y en colaboración col Centru del Profesoráu y de Recursos de Xixón.
Agora toca lucise nuna muestra de los cantares deprendíos. Van faese dos conciertos, uno pela mañana a les 12h y otru pela tarde a les 18h, presentaos por Naciu Varillas. Pela mañana contaremos con la presencia de Carlos Rubiera, conceyal de cultura del ayuntamientu de xixón.
Van participar los siguientes colexos:
12.00h. Coros del CP. Gaspar Melchor de Jovellanos, CP. Montevil, CP. El Lloréu, CP. Atalía, CP. Clarín, CP. Rey Pelayo y CEE Castiello.
18.00h. Coros del CP. Severo Ochoa, CEE. Sanatorio Marítimo, CP. Federico García Lorca, CP. Julián Gómez Elisburu, CP. Los Pericones, CP. El Llano, CP. Príncipe de Asturias y el Colexu San Lorenzo.
El repertoriu va tar compuestu por cantares tradicionales y populares como Cuando te vi na fonte, Na romería de San Andrés, Chalaneru, Fuisti al Carmín de La Pola, etc…