Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

48 FICXixón revisa les filmografíes d'Eugene Green, Kim Loginotto y Reynold Reynolds.

Votos

(Total de votos recibidos 256)

(Puntuación 2,99)

FotoCine5
El festival s'avera la curiada obra d?Eugcne Green, el documental comprometíu de Kim Longinotto y trabayu esperimental de Reynold Reynolds.
Eugène Green

Eugène Green (Nueva York, 1947) participó nel 47 FICXixón na competición de la rescamplante Rellumes. Xixón vuelve a tener otra vez a esti director, actor, escritor, dramaturgu y fundador de la compañía barroca Théâtre de la Sapience qu'encantó al públicu xixonés cola delicada A religiosa portuguesa, y tamién cola charra maxistral que dio sobre cine nún de los Alcuentros col públicu. El certame revisa'l cine poéticu d'ún de los directores más personales del cine européu d'anguaño, que vindica la mística de mayestros como Ozu o Bresson.

El ciclu va ufiertar la filmografía completa de Green, dende Le Monde vivant, que ganó'l premiu FIPRESCI en Londres, a Le Pont des Arts; la mentada A religiosa portuguesa; Correspondances (títulu incluyíu en Memories, la coleutiva premiada col Premiu Especial del Xuráu en Locarno) y los sos curtios.

Kim Longinotto

Narrar el mundu dende les sos coraes, con gafura, dando nes situaciones de discriminación y d'opresión de les muyeres. Esi ye'l sellu del cine documental de Kim Longinotto (Londres, 1952), una de les cineastes britániques más reconocíes de la última década, premiada en festivales como Sundance, Cannes y Ámsterdam polos sos ablucantes ya impactantes retratos sociales.

Un ciclu va amosar delles de les fórmules maxistrales qu'usa esta directora británica a la hora d'examinar el factor humanu con títulos aclamaos nel circuitu internacional y col respaldu de la crítica como les premiaes Rough Aunties o Sisters in Law. El FICXixón va proyectar su última película, Pink Saris, una artera güeya sobre la violencia escontra les muyeres na India.

Reynold Reynolds

El cine esperimental actual tien en Reynold Reynolds (Alaska, 1966) ún de los sos artistes esenciales. Xixón va amosar una parte importante de la so obra, que perpasa lo cinematográfico p'aportar a territorios artísticos como la instalación multimedia y la fotografía. Munches d'eses pieces premiáronse en festivales como Sundance o la Transmediale de Berlín. Museos como'l MOMA de Nueva York o'l Tate Modern de Londres acoyeron les sos creaciones y tien participao nes bienales de Berlín y Moscú.

Con una fuerte base filosófica y científica, Reynos desendolcó una mirada cinematográfica propia sobre'l consumu y la decadencia, pescudando especialmente los trestornos psicolóxicos y físicos. Esti artista formula les sos cuestiones con una estética particular, consiguiendo la participación y, en buena parte, l'ablucamientu del espectador, usando lo fílmico pa crear arte, xunto con cineastes como Peter Tcherkassky o Mathias Müller, a los que'l FICXixón dedicó ciclos en pasaes ediciones.
Palabras clave FIC-48 edición, Gijón