Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

48 FICXixón presenta'l ciclu: Una cierta idea de cine. La Escuela de Berlín.

Votos

(Total de votos recibidos 299)

(Puntuación 3,02)

FotoCine3
Homenaxe a la premiada xeneración de cineastes alemanes arrexuntaos cola etiqueta d? Escuela de Berlín.
Homenaxe a la premiada xeneración de cineastes alemanes arrexuntaos cola etiqueta d? Escuela de Berlín.

Por primer vez n'España, un festival alluma una xeneración de cineastes alemanes que, so la denominación d'Escuela de Berlín, comparten les llinies mayestres d'un cine sobriu, realista y ensin concesiones. Esti ciclu, organizáu pol Goethe Institut, va ser una bona oportunidá pa examinar los referentes ya influencies d'un grupu de lo más variao que non siempres s'identifica col títulu; con nomes que surden de la Deutsche Film und Fernsehakademie Berlin, como Christian Petzold, Angela Schanelec y Thomas Arslan (qu'entamaron el grupu), y dellos direutores que magar nun se formaran na mentada DFFB, tán ensin dulda venceyaos, como Valeska Grisebach, Ulrich Köhler y Maren Ade.

Estos cineastes nun siguen un manifiestu común y cada director vindica la so propia identidá al traviés d'un cine de baxu presupuestu, con pequeñes histories qu'afonden nos esmolecimientos vitales con que faen por caltener una comunicación col públicu de tu a tu. Con estes carauterístiques definitories que non dogmátiques, los direutores de la Escuela de Berlín formen parte d'ún de los más consistentes ya interesantes grupos surdíos n'Europa nesta década.

El programa inclúi Yella, de Christian Petzold, ganadora de dos premios en Berlín en 2007; Bungalow, d'Ulrich Köhler, ganadora nel BAFICI, y les últimes películes d'Angela Schanelec (Orly) y Thomas Arslan (Im Schatten), y títulos como Longing, de Valeska Grisebach, Meyor Película nel 44 FICXixón y Entre nosotros, de Maren Ade, que s'estrenó equí va poco.
Palabras clave FIC-48 edición, Gijón