Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Pontes 2010. Xixón acueye l'alcuentru internacional de productores.

Votos

(Total de votos recibidos 250)

(Puntuación 3,05)

FotoCine2
El Festival de Xixón va incluyir ente les sos novedaes el alcuentru de productores europeos y llatinoamericanos Pontes 2010, programa desarrolláu pol European Audiovisual Entrepreneurs (EAVE), ún de los proyeutos más importantes pa la formación de productores y de collaboración ente profesionales n'Europa. El seminariu que va acoyer el FICXixón va desendolcar diez proyeutos europeo-llatinoamericanos, amás d'esplorar el mercáu audiovisual n'entrambos continentes.
El Festival de Xixón va incluyir ente les sos novedaes el alcuentru de productores europeos y llatinoamericanos Pontes 2010, programa desarrolláu pol European Audiovisual Entrepreneurs (EAVE), ún de los proyeutos más importantes pa la formación de productores y de collaboración ente profesionales n'Europa. El seminariu que va acoyer el FICXixón va desendolcar diez proyeutos europeo-llatinoamericanos, amás d'esplorar el mercáu audiovisual n'entrambos continentes.

Cola ayuda del programa Media de la Xunión Europea, EAVE desendolca dende 1988 talleres de formación de productores, encotaos en métodos pedagóxicos qu'inclúin teoría, supuestos práuticos y alderiques. Pontes va consistir en dos talleres internacionales, de los que'l primeru yá se fizo en Buenos Aires el pasáu mes d'abril, nel marcu del Festival de Cine Independiente de Buenos Aires (BAFICI), y que tien una segunda fase que se va facer en Xixón del 23 al 26 de payares.

Pontes 2010 va trayer a Xixón a diez productores (cuatro europeos y seis llatinoamericanos) que van trabayar con procuru nel desendolcu de los proyeutos con renomaos profesionales n'entrambos continentes, igual d'organismos europeos que de productores (Rommel Film, Petit Film o Lagarto Cine). Nesti equipu directivu van tar, ente otros, l'alemán Peter Rommel, que coles sos producciones axunta dellos premios internacionales incluyida una nominación al Oscar por Children of Nature (1991); l'arxentín Hernán Musaluppi (Acné, Salamandra) y el director executivu d'Eurimages, Roberto Olla.

Ente los productores que van desendolcar los sos proyeutos rescamplen la española Fernanda del Río (18 comidas, Agua fría del mar); la uruguaya Agustina Chiarino (Gigante, Osu de Plata en Berlín y premiada tamién en San Sebastián) y René Bastian, fundador de Belladona Productions, responsable de títulos tan premiaos como Funny Games, Transamerica y A Guide to Recongnizing Your Saintes (producida y protagonizada por Robert Downey Jr.).
Palabras clave FIC-48 edición, Gijón