Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

48 FICXIXÓN: LA BANDA SONORA MÁS SEXI DE LOS CABEROS AŃOS

Votos

(Total de votos recibidos 686)

(Puntuación 3,02)

Vinila
Va yá munchos años que la música ye una parte mui importante del Festival Internacional de Cine de Xixón.
Va yá munchos años que la música ye una parte mui importante del Festival Internacional de Cine de Xixón. Fiestes y conciertos son la prollongación natural de les llargues xornaes d'actividá qu'entá siguen asocediendo coles lluces mataes y qu'ufierten tanto a espectadores como a convidaos la posibilidá d'esfrutar de baldre, de nueches que van del folk a la música electrónico. Artistes nacionales ya internacionales, mozos y veteranos, van ser los responsables de que la folixa siga cuando les películes rematen.

Cerca de venti grupos van poner la banda sonora a les nueches del 48 FICXixón. La Sala Acapulco del Casinu d'Asturies va acoyer el misteriu y la sensualidá de Vinila von Bismark & The Lucky Dados. La que formó parte del grupu Krakovia, camudó na nuestra Dita von Teese nacional. Va ser ella la encargada d'abrir la programación musical na Gala d'Inauguración del 48 FICXixón con dellos temes del so caberu discu The Secret Carnival.

Dempués del ésitu del añu pasáu torna The Fiesta, el sábadu 20 de payares nel LABCafé (Preciu d'Entrada: 25 euros). Esta nueche de música indie presenta un cartel enllenu ritmu con Love of Lesbian como cabezaleros. Un grupu qu'entamó cantando bien de tiempu n'inglés peles carreteres, afitándose como una de les principales bandes indie al camudar l'idioma de les sos lletres al castellanu en Maniobras de escapismo (2005) y Cuentos chinos para niños del Japón (2007) o'l so más nuevu 1999 (o cómo generar incendios de nieve con una lupa enfocando la Luna). The Wave Pictures, va subir al escenariu col so guitarréu pop de los 60 pa presentar Susan rode the cyclone. Los ganadores del Premiu al Meyor Grupu Español nos European MTV Music Awards, We are Standard, aporten a Xixón con un estilu redefiníu y más abiertu, un "rock electrónicu pa baillar ensin parar". Tamién en The Fiesta vamos poder esfrutar d'un "percorríu pel soníu de Nueva York más emocionante de les tres caberes décades" gracies a los valencianos Polock. P'acabar, una bona ración de música electrónico colos gastronómicos Wagon Cookin', una receta que cuenta con ingredientes como'l jazz, soul, latin, Brasil, funk y house, ente otros, "cocinaos" a estilu de la música elctrónica Club.

Maika Makovski va endulzar la primer nueche de domingu del festival (21 de payares) na Sala Acapulco. La mallorquina dio col so estilu y describe'l so caberu discu (Maika Malovski, 2010) como'l destín d'un viaxe qu'entamó con Kradiaw (2005) y que siguió con Kraj So Kóferot (2007). Dempués de la reina del lloramicar románticu, aporta'l tiempu la voz natural y ensin educar, cercana y despreocupada de Jonston, cuentacuentos por naturaleza, que nos va presentar el so nuevu discu nomáu Taller de memoria.

Los veteranos del rock, Sex Museum, aporten a Xixón el llunes 22 de payares, col so caberu trabayu 15 Hits that Never Were, una güeyada p'atrás que recueye dellos de los sos primeros temes y qu'inclúi lo meyor de casi 30 años de vida musical. D'esos 15 ésitos que nunca nun lo fueron vamos a les 9 canciones minúsculas, un huracán y un millón de lunares, del asturianu Bueno, que va ofrecer pop con solera, fresco, con lletres en castellán que dicen coses que te faen sentir.

El martes 23, los Electric Six (Danger! High Voltage) van facese cola Sala Acapulco pa presentar el so caberu discu Zodiac, una oportunidá como nun hai otra de sentir en direuto los sos nuevos cantares. Ornamento y Delito, un grupu de Madrid pero con mayoría vasca, va desanubrir el sentíu más escoriáu de la música d'anguaño nel país.

Les Agent Ribbons y el so "punk victorianu" resultáu d'amestar guitarra, vigulín y batería, van poner la banda sonora del 24 de payares. Del glamour d'estes tres moces de Texas al power-pop de cuatro mozos de Donostia, Thee Brandy Hips. Dempués de dos maquetes grabaes en direuto en 2006 y 2007, vien We are love, col sellu Young Hipster Records.

Tres la so importante estrena en 2008 col álbum Upskirts, el grupu de Vigo, The Blows, ataca otra vuelta con Berlín, un set de temes nuevos ente los que rescampla Catwalk, la música de la cabera campaña de Pepe Jean que va poder sentir quien vaya a la Sala Acapulco la nueche del 25 de payares. Mesmu día y mesmu sitiu nel que van actuar The Situations, banda de Nueva Zelanda con marcáu estilu punk rock, qu'a vegaes camuden en sele soul y que rescamplen en direuto.

El vienres 26 de payares, penúltimu conciertu de la programación musical, va tar enllenu de buenes vibraciones al más puru estilu Chicago, cola elegacia de los xixoneses Edwin Moses. Pedro Vigil y Pablo Errea tienen yá preparáu'l so próximu y cuartu LP que se va presentar como Single nel Festival.

La fiesta de cierre, sábadu 27 de payares (Preciu: 10 euros venta anticipada / 12 euros taquilla), va tar de la mano del defensor del hit como canalizador, Homeboy Dj, residente principal del Low Club de Madrid y parte destacada de festivales como'l Summercase, FIB y FIZ, y veceru de la Sala Razzmatazz de Barcelona. Una doble sesión que se completa col españíu d'estilos llanzáu a la pista por Dj de Mierda. Esti periodista musical dende 1994 y pinchadiscos dende 1997, estrenóse na Sala Nitsa con una variada escoyeta d'electro, techno, rock, new wave, pop, punk y perriba too los xéneros preferíos acid y música disco.

La entyrada a tolos conciertos de la Sala Acapulco del Casinu d'Asturies ye llibre hasta que s'enllene, pero la Fiesta de Clausura va tener un preciu de 10 euros en venta anticipada y 12 en taquilla. Les entraes pa la nueche pop The Fiesta van tener un preciu de compra anticipada de 25 euros.

CALENDARIU (ENLLAZ SEMEYES)

VIENRES 19 (INAUGURACIÓN)/ SALA ACAPULCO

Vinila von Bismark & The Lucky Dados

SÁBADU 20 / THE FIESTA - LABCAFÉ

Love of Lesbian

The Wave Pictures

We Are Standard

Polock

Wagon Cookin'

DOMINGU 21 / SALA ACAPULCO

Maika Makovski

Jonston

LLUNES 22 / SALA ACAPULCO

Sex Museum

Bueno

MARTES 23 / SALA ACAPULCO

Electric Six

Ornamento y Delito © José Hinojosa

MIÉRCOLES 24 / SALA ACAPULCO

Agent Ribbons

Thee Brandy Hips

XUEVES 25 / SALA ACAPULCO

The Blows

The Situations

VIENRES 26 / SALA ACAPULCO

Edwin Moses

SÁBADU 27 (PIESLLE)/ SALA ACAPULCO

Homeboy + DJ de Mierda