Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Damián Barreiro Maceiras, ganador del sestu premiu d'ensayu y trabayos d'investigación "Fierro Botas" 2013.

Votos

(Total de votos recibidos 103)

(Puntuación 3,00)

portada Fierro Botas 2013
La obra ganadora foi "L'espeyu onde miranos: televisiones de proximidá n'europa Occidental y procesos de recuperación identitaria".
Ye esti un completu ensayu sobre l'importante papel que los medios de comunicación tienen na pervivencia d'un idioma.

El premiu, que convoca l'Ayuntamientu de Xixón al traviés de la Conceyalía d'Educación, Cultura, Mocedá y Fiestes y que ta dotáu con 3.000 € y la publicación del ensayu, foi pa la obra del periodista Damián Barreiro Maceiras (A Estrada, 1984), magar qu'avilesín de tola vida, exredautor del diariu dixital Asturies.com y del periódicu Les Noticies, anguaño collaborador en Diagonal Asturies y la seición infantil n'asturianu de LNE, Escolinos.

El xuráu, qu'aconceyó'l pasáu miércoles 27 de payares, taba formáu por D. Carlos Rubiera Tuya, Conceyal d'Educación y Cultura y Presidente del xuráu; D. Humberto Gonzali García, escritor y xestor cultural; D. Jose Ramón Iglesias Cueva, profesor y representante de l'Academia de la Llingua Asturiana; D. Jaime González Fierro-Botas, filólogu y representante de la familia Fierro Botas; D. Inaciu Hevia Llavona, ganador de la edición anterior del Premiu Fierro Botas y Dña. Mª Xosé Rodríguez López, Responsable de la Oficina de Normalización Llingüística, que fizo de secretaria. El premiu, concedíu por unanimidá, quixo premiar lo interesante del tema, de gran actualidá anguaño y la novedá que representa no que tien de ver col so conteníu, rescamplando sobremanera l'análisis que l'autor fai de les televisiones de proximidá mesmo n'Europa como nel estáu español y la so visión personal y nacional d'Asturies como país con identidá propia, los xéneros televisivos y l'idioma como xerme d'una industria cultural.