Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Palmarés de la 51ª edición del Festival Internacional de Cine de Xixón

Votos

(Total de votos recibidos 574)

(Puntuación 2,95)

logo festi
Pawlikowski "reconquista Xixón" con IDA
La gran ganadora del Festival Internacional de Cine de Xixón foi ensin dulda Ida, de Pawel Pawlikowski. La cinta sobre la vida d'una novicia católica qu'afaya los sos raigaños xudíos convence tanto al xuráu internacional como al xuráu mozo, llogrando dambes distinciones al meyor llargumetraxe.
Nel so regresu a Xixón el polacu, qu'en 2000 consiguió'l premiu a la meyor película por The last resort, llogra esti Premiu Principáu d'Asturies al meyor llargu pero tamién el premiu Gil Parrondo a la meyor direición artística, el premiu a la meyor actriz pa la so protagonista Agata Kuleska y el premiu al meyor guión.

En dando a conocer el fallu'l Presidente del Xuráu, Patrice Leconte, confesaba qu' Ida foi'l so primer contautu col festival, "la primer película que vimos y adorámosla dende'l principiu, por eso nos paez normal que lleve tantos premios".

Ye la tercer visita de Pawel Pawlikowski a Xixón. Na so edición númberu 45, el festival dedicába-y una retrospeutiva na que se proyeutó la que yera so filmografía hasta'l momentu. Cuando aportó a la ciudá dicía'l polacu que taba encantáu de tornar tanto si ganaba como si non, magar que"nun me daría más facelo otra vuelta" afirmaba.

Pero hai más premios. El xuráu internacional presidíu por Patrice Leconte ya integráu por Aida Folch, Iván Trujillo, Pablo Giorgelli y Ray Loriga determinaron que'l premiu al Meyor actor merecíalu Alexandre Landry por Gabrielle. Meyor direutor, Jeremy Saulnier por Blue ruin y l'Especial del Xuráu pa la mexicana Los insólitos pexes gatu de Claudia Sainte-Luz.

"El xuráu tuvo bien activu", dixo Patrice Leconte, prestónos muncho y punxímonos d'alcuerdu aína, "el palmarés decidióse lluego y con pasión" aseguró'l cineasta.

La crítica optó pola cinta de Yolande Moreau, Henri, polos sos valores temáticos ya interpretativos" mentanto que'l públicu tiró por Little One de Darrell James Roodt.

Na seición d'Animafix el xuráu formáu por Jordi Grangel, Manuel Sicilia y Sam concedió'l premiu al meyor llargumetraxe de la so seición ex aequo pa The Fake de Yeon Sangho y a Cheatin' de Bill Plympton. Y dieron una mención especial a la xaponesa Patema Inverted de Yasuhiro Yoshiura.
Esti añu y per primer vegada'l premiu que concede'l públicu infantil dixebró en dos, votaron en función de les sos edaes. La meyor película pa menores de 12 años foi pa Little Ghost d'Alan Gsponer y pa los mayores d'esa edá Citar rose de Julien Abraham.

El xuráu de curtiumetraxes de la 51ª edición del Festival Internacional de Cine de Xixón, formáu por: Blanca Romero, Emiliano Allende ya Iván Massagué concedió los premios que vienen darréu a los curtiumetraxes participantes na Seición Oficial, apuntando enantes de dar los nomes que'l nivel foi altísimu.

"GIL PARRONDO" a la meyor direición artística de curtiumetraxe pa Laura Boni por La prima legge di Newton de Piero Messina, que tamién mereció'l premiu a meyor actor. El premiu especial del xuráu pa Luminita d'André Marqués que tamién recibió'l de meyor guión de curtiumetraxe. El premiu Principáu d'Asturies foi ex aequo pa Parvaneh de Talkhon Hamzavi y Cargu Cult de Bastien Dubois.
Y amás falláronse los premios del públicu de la seición Rellumes pa En Solitaire de Christophe Offenstein y el premiu Coca Cola al meyor llargumetraxe asturianu en Gran Angular pa Frankenstein d'Anto Rodríguez.

Tamién se pronunció'l xuráu de ValetudoDVD, ganó Estocolmo d'Álvaro Martín y el premiu Impacta pa Madres de Kiko y Javi Prada.

Palmarés completu