Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Los nomes propios de Gran Angular Asturianu

Votos

(Total de votos recibidos 306)

(Puntuación 3,00)

lentamente
Esti añu la seición Gran Angular multiplícase por tres, subdividiéndose en ficción, documental y gran angular asturianu.
La calidá y cantidá de producciones asturianes, apuntaba la direción, fizo necesaria la creación d'un espaciu propiu y a competición nel que se programen 10 títulos producíos nel Principáu nos últimos doce meses. Dos d'estes producciones teníen el protagonismu de la tarde del sábadu en Llaboral con dos proyeiciones y cola presentación y l'asistencia na sala de los sos autores. Falamos d' "El vieyu Rock" de Pablo Sánchez Blasco y "El día del padre" d'Alberto Carpintero. Toes tán proyeutándose en pase únicu en Llaboral.

El domingu foi'l tiempu de "Nitsa 94/96 El xiru electrónicu" d'Alex Julia Rich y "Seliquino". "Bernabé" de Pablo Casanueva proyeutóse'l llunes y ayeri "Autorréplica" de Daniel Cabrero.

Güei miércoles turnu en Llaboral pal documental de Luis Felipe Capellín "Guerrilleru Quintana" a les ocho y cuartu , el xueves pa "la Perlla de Jorge" y el vienres 22 pasárase "Frankenstein" d'Anto Rodríguez, a les 6 y pa rematar, n'horariu de segundu pase, a les 8:15 "Xubir al cielu" de Lucia Herrera.

Única representante femenina d'esti grupu de cineastes xuníos pol so orixe y la so pasión, facer cine, esta documentalista aporta col so primer llargumetraxe de ficción con protagonistes que lleven nome de sitios asturianos; Murias, Lois y Deva, diz l'asturiana que-y val " pa remarcar nellos la busca de la so identidá", exa del argumentu de la cinta. Curtida yá en dellos documentales, toos ellos presentaos nel festival de Xixón, y toos ellos venceyaos a la historia asturiana y a la recuperación de la so memoria, llánzase al llargu sofitada por Juan Luis Ruiz, ensin saber entá si ye positivo o non enmarcar el so trabayu nuna seición con etiqueta asturiana, "lo importante, apunta, ye que la película llegue a los espectadores". Consiguieron llevar alantre'l proyeutu pesie a ser un exemplu de fracasu de crowdfounding, esti sistema de financiamientu colecuivu. A la fin caun punxo'l so trabayu y consiguieron que delles empreses cedieren lo que taba na so mano pa llevar a términu la producción, dende un coche o'l catering en dalgún casu.

Pal direutor d' "Autorreplica", el llargu proyeutáu anueche, el crowdfounding nunca foi una opción, l'equipu tuvo qu'arrenunciar a los sos sueldos pa poder facer el proyeutu, dalgunos por amistá como ye'l casu del protagonista Eduardo Santos o Alberto Vázquez, otros como la protagonista, yá col so buecu nel cine español, Ana Turpin, enfotada na calidá del guión. La resultancia amuésase sol paragües de gran angular asturianu, col so autor, Daniel Cabreruo que por cierto tamién apaez na cinta, honráu por participar nel festival nuna seición competitiva yá que van ser evaluaos pol públicu.