Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Nel cine d'animación "la manera d'aportar a lo global ye al traviés de lo particular"

Votos

(Total de votos recibidos 440)

(Puntuación 2,96)

cartel animaficx
El cine d'animación ye un de los apuestes seguros pa los grandes estudios. El ranking de les películes más taquilleres enllénase cada añu de títulos d'esti xéneru, industries como la española apuesten cada vez más por una proyeición internacional de les sos películes y en palabres de Manuel Sicilia, realizador de Justin y la Espada del Valor (vendida yá a más de 140 países) "la forma d'aportar a lo global ye al traviés de lo particular".
Polo xeneral l'animación catalógase como "pa tolos públicos", una definición a la qu' "agora más que nunca s'avera", comentaba Sam, un referente del sector y de la stop-motion en plastilina concretamente; daqué que se consiguió gracies a un desenvolvimientu nel aspeutu de trames p'adultos y neños nun mesmu llargumetraxe.

El Festival de Cine de Xixón ufiertó la oportunidá de compartir impresiones con tres de los profesionales españoles más destacaos del mundu nel sector de l'animación: Manuel Sicilia, Jordi Grangel y Sam conformen estos díes el xuráu de AnimaFICX, "un de los más importantes que pue axuntase" en palabres del direutor del FICX, Nacho Carballo.

Manuel Sicilia, realizador de llargumetraxes d'ésitu internacional como El Lince perdíu y productor del curtiumetraxe La Dama y la Muerte que compitió pol Oscar al meyor curtiu d'animación, comentaba que "na animación trabáyase a munchos niveles, una historia pa los más pequeños pero al empar trabáyase pa meter otru nivel de llectura p'atrayer al públicu más adulto".

Como nel cine con actores reales, la base pal ésitu ye'l guión, "si tienes grandes profesionales pero'l guión nun funciona, la película esbarrúmbase" apuntaba Jordi Grangel, cincuenta por cientu de Grangel Studio, estudiu que trabayó en producciones como La Novia Cadaver, Madagascar o Spirit pol que ganó'l premiu Annie al Meyor Diseñu de Personaxe.

El trabayu de los profesionales creativos precisa d'un segundu pegollu pa rematar la obra y ye la voz; "ser actor de doblaxe ye ser actor" afirmaba Manuel, de fechu'l procesu natural ye que la imaxe se concrete a partir de la voz. "N'España tenemos una gran industria de doblaxe" según Sicilia, magar que davezu nestes producciones hai grandes actores que pueden da-y matices al personaxe pero tamién cares populares, pa les que ye bono caltener un papel secundariu.