Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Blockbuster agasaya y vindica a los grandes actores veteranos españoles

Votos

(Total de votos recibidos 323)

(Puntuación 3,00)

blockbuster
Atalantada como un homenaxe a los veteranos actores del cine español, munchos d'ellos yá finaos, el proyectu naz precisamente de l'amistá del so direutor, Tirso Caleru, con Sancho Gracia. La so muerte casi balta'l proyeutu, que se retrasó casi seis años. Siguiendo'l conseyu del propiu Gracia, ufiertó-y el papel protagonista a Manolo Zarzo. El veteranu actor (d'esactamente 81 años, al que nun-y gustó nada que se-y punxera unu más en dalgún articulu) aceutó la xera con gustu, emburriáu pola so familia y porque "si nun trabayo pásolo mal". Eso sí tuvieron que conformase con rodar namái 20 díes.
La resultancia ye un homenaxe nel que se busca dignificar el papel de los actores veteranos, "inxustamente trataos" según el so direutor, que "anque na so dómina tuvieron que conformase con formar parte d'un cine más bien pal entretenimientu, cásique nun enllenaben les sales de cine".

Manolo Zarzo supo dar al protagonista, nel final de la so vida, matices de Sancho Gracia, Juan Luis Galiardo y otros grandes del cine español.

Segundu trabayu de Tirso Calero, habitual de la pequena pantalla, que tres Carne Crudo opta pol blanco y negro pa "remarcar que los protagonistes suañen con un pasáu meyor, remembrando tiempos que yá nun van venir".

Como tampoco van volver, dixo Calero, los llargumetraxes de medianu presupuestu. "El sistema de facer películes camudó, yá namás hai dos tipos: los grandes ésitos, de los que se faen 8 o 9 al añu col sofitu de les televisiones y les películes pequeñes, nes que se va esaniciando tolo que precise perres"

"La vida ye más en blanco y negro qu'en color" dixo Calero que dexa'l color pa los planos rodaos pol curtiumetraxista al que da vida Adam Jezierski. Habitual de la pequena pantalla, tomó esta nueva esperiencia nel cine como "tou un aprendizaxe colos grandes".

El conceutu de la desapaición de la clase media nel cine" repitióse tamién nos alcuentros "Café con.." onde los direutores del documental BARATOmetraxes 2.0, Hugo Ferrucha y Daniel San Román, compartieron con públicu y prensa esti nuevu conceutu de cinematografía que presenta'l so proyeutu. Un conceutu que "busca ser un puntu d'alcuentru ente productores y direutores" en palabres d'Hugo, una forma de facer cine a baxu costu pero nel que tenga sitiu'l talentu "pa resurdir con una nueva era pa tolos públicos".