Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Hugo Serra y Daniel San Román: Cine a Cien

Votos

(Total de votos recibidos 393)

(Puntuación 2,99)

baratometrajes

Aportará'l día en qu'una neña gorda de Texas tenga una videocámara doméstica, y esi día va ser el día en que'l cine, por fin, se va democratizar como mediu d'espresión. Dalgo asina dicía un Francis Ford Coppola ablayáu pola so odisea ríu enriba escontra'l corazón de les tiniebles. Diben abrochándose los años setenta y el cineasta, siempre más gordu que la neña, agüeraba nes sos declaraciones un futuru que de dalguna manera yá ye pasáu, porque les nueves teunoloxíes lu dexaron p'atrás.


Güei la neña gorda de Texas nun ye que tenga una videocámara, ye que lleva otra inxertada nel so dispositivu móvil d'última xeneración, enséñase en direuto al traviés de la so cam, caltién un vidiublog en YouTube dende'l que llanza al globu les sos opiniones al rodiu de too dafechu y –démos-y tiempu- d'un momentu a otru va calzar les Google Glass y ponese a caminar el mundu rexistrando la vida en tiempu real y en ciertu mou viviendo –ai- en diferío. El cine ye güei otra cosa dempués de tener sío celuloide, dempués campu magnéticu, más tarde una combinación numbérica… ¿Alta definición? ¿Qué definición? ¿Qué ye agora "la imaxe"? ¿Qué ye'l cine si yá nun ye cine? Pues que seya lo que dios quiera. Lo que ta claro ye que nel espaciu temporal qu'habitamos, güei martes ensin dir más p'alló, les ferramientes pa exercer la espresión audiovisual tán al algame de cualesquier, como un llapiceru y un papel, magar les dimensiones de too camudaron y les opciones de producción se polarizaren: o tienes pa una superproducción o te busques la vida col vueltu.

Va facer casi una década dende qu' Hugo Ferrucha y Daniel San Román nos mostraren una radiografía refecha de la escena del cine independiente y de baxu presupuestu nel so documental Baratometraxes (2005). Yera l'intre en que la famosa crisis empecipiaba a esconsoñar pa unxinos a toos col so fediondu aliendu, y habrá que dir empezando a pensar n'otru nome pa lo qu'hasta entós conocíamos como cine indie, eses producciones pequeñes y atrevíes al marxe de la gran industria comercial. Cine Barato podría habenos valío, anque por dalguna rara razón llamámoslo Low Cost. Seya como seya, va pa diez años y la situación radicalizóse. Lo crispao de la situación económica y les bederres polítiques culturales empérrense n'ablayar cualquier puxu creativu y neutralizar les fuercies artístiques a base de zarrar grifos, pero nun saben que lo que nun pue ser nun pue ser y amás ye imposible, que los puxos creativos son indomables.

Baratometraxes 2.0 (Hugo Ferrucha y Daniel San Román, 2013), financiada, precisamente, gracies al mecenalgu collaborativu que decidimos llamar –en fin- crowdfunding, desplícanos a partir de casi mediu centenar d'entrevistes qué ye lo que ta pasando col cine güei martes ensin dir más lloñe, cómo estes maneres de remanase a partir de les nueves teunoloxíes tán alteriando'l mesmu llinguaxe audiovisual, qué ye lo que pasa col paradigma, quién somos, d'ónde venimos y a ónde vamos si ye que yá nun vamos al cine.

GÃœEI a les 16:00 h. vamos poder charrar alredor d'un café colos realizadores HUGO FERRUCHA y DANIEL SAN ROMÁN n'El Cafetal (Cai La Muralla, 3).

MAÑANA, a les 22:15, pase de BARATOMETRAXES 2.0 nel Antiguu Institutu