Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Patrice Leconte presidente del Xuráu

Votos

(Total de votos recibidos 302)

(Puntuación 3,01)

patrice leconte
Espero ver bones películes, importantes, que me faigan sentir. Voi ser un espeutador interesáu que reaccione más poles sos emociones que pol so intelectu.
A la fin foi triple la participación nel Festival de Patrice Leconte pal que la organización tenía acutada una sorpresa al aprovechar p'apurri-y en persona, demientres la gala d'inauguración, el premiu que consiguió na pasada edición: la mención especial del xuráu merecida por Le magasin des suicides.

Foi la primer vez cola animación del prestixosu direutor y guionista, qu'adelantó en Xixón, que tien ente manes un nuevu proyeutu d'animación, del que yá esiste guión y personaxes definíos. "Namái falten les perres", dixo, porque ye un proyeutu caru qu'espero salga p'alantre. Patrice Leconte confesaba ente los medios que-y encantó trabayar nesi formatu yá que dexa "una llibertá estraordinaria".

"Naide nun ye monocromu" respondía cuando-y entrugaron polo diferente d'esa producción y la cinta cola que vieno al festival; A Promise, un trabayu espléndidamente rodáu a base del meyor clasicismu. Basada na novela del direutor austriacu Stefan Zweig, pa l'adautación tomáronse delles llibertaes, "ensin traicionar el relatu orixinal", como'l dar al espeutador la posibilidá de "maxinar un futuru sentimental ente la pareya protagonista", daqué non presente nel relatu del austriacu, de tonu más escuru. Leconte consigue asina una película más esperanzadora y lluminosa.

La presentación en Xixón d'A Promise, primero qu'en Francia, el so país d'orixe, ye namái la segunda razón de la so presencia nel festival. La tercera ye'l so papel como presidente del xuráu internacional, una xera qu'encaria diz "con daqué de vergoña" porque "¿quien soi yo pa xulgar les obres de los mios collacios?" dicía na gala d'inauguración, pa dempués añadir qu'espera ver bones películes, importantes, que me faigan sentir. Va encariar la xera como un espeutador interesáu dexándose llevar poles emociones y non pol intelectu. Ye "doblemente revesoso venir xulgar" inda más cuando tuvo l'honor d'inaugurar el certame.

A Promise
proyéutase otra vuelta'l llunes a les 22:30 na sala 5 de los cines centro.

Una de les exes del festival de cine de Xixón ye l'averamientu ente'l cine y l'espeutador y pa ello entama actividaes como los "Cafe con...", pa inaugurar estos alcuentros informales, un convidáu d'esceicion, Jiri Menzer, direutor checu ganador d'un Oscar por Trenes rigurosamnete xixilaos. Ente un públicu que nun perdió detalle de les sos palabres. Menzer amás de facer una repasada a la historia del cine del so pais, nun dulda en facer un alegatu de la felicidá, "dende que fici la mio primer pelicula, el mio oxetivu ye animar a la xente a vivir la vida".