Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El direutor Hong Sang-soo va ser homenaxáu pol Festival de Cine de Xixón con un ciclu sobre la so obra

Votos

(Total de votos recibidos 146)

(Puntuación 3,04)

Hong Sang-soo
La so cabera película "Our Sunhi", cola que llogró'l premiu a meyor direutor nel caberu Festival de Locarno, va clausurar esta 51ª edición.
Hong Sang-soo va visitar Xixón na primer gran retrospeutiva que-y dedica un Festival.
El direutor coreanu Hong Sang-soo va ser homenaxáu pol Festival de Cine de Xixón con un ciclu que va repasar la so filmografía. Demientres la cita xixonesa vamos esfrutar d'ocho de los títulos más nomaos de la so carrera como "Hahaha" o "En otro país (N'otru país)". Dambes películes compitieron nel Festival de Cannes. La primera, llogró'l máximu gallardón de la seición Un Certain Regard en 2010 y "En otro país" compitió pola Palma d'Oru, dos años dempués, estrenándose n'España en 2013. Tamién vamos poder esfrutar de la so más recién "Nobody's Daughter Haewon" que compitió pol Osu d'Oru na cabera edición del Festival de Berlín.

El públicu aficionáu va tener ocasión de charrar col direutor demientres los alcuentros que va haber dempués de cada proyeición.

El so últimu trabayu "Our Sunhi", va poder vese per primer vegada n'España na clausura de la 51ª Edición del Festival Internacional de Cine de Xixón. Un llargumetraxe pol que'l direutor surcoreanu ta recién gallardoniáu col Lleopardu a la meyor direición nel prestixosu Festival de Locarno, el tercer festival más antiguu del mundu y rampla de llanzamientu de grandes talentos como Spike Lee. En "Our Sunhi" el direutor narra la historia de Sunhi, una xoven llicenciada en cinematografía que quier siguir los sos estudios n'Estaos Xuníos.

Hong Sang-soo, nacíu en Seúl en 1960 y coetaneu d'otru gran direutor del so país, Kim Ki-duk, estudió direición cinematográfica na Universidá de Chungang na so ciudá natal, enantes de colar pa Estaos Xuníos onde siguió la so formación nel College of Arts and Crafts de California y nel Institutu d'Arte de Chicago. El so debú como direutor prodúxose en 1996 col llargumetraxe "The Day a Pig Fell Into the Well" pol que foi premiáu nos festivales de Vancouver y de Rotterdam. Nestes cuasi dos décaes de carrera tien dirixío 16 películes, cuasi toes elles con guión propiu y distinguíes por bayura de festivales d'altor como Pusan, Rotterdam, Tokiu, Mar del Plata o los yá citaos Cannes, Berlín o Locarno, ente munchos otros.

Una bultable carrera que'l Festival de Xixón quier agradecer y honrar, ufiertando al públicu gran parte de la obra d'ún de los cineastes más renomaos del continente asiáticu. Por mor d'esti homenaxe, el Festival va editar un llibru monográficu sobre la obra del direutor.


El festival Internacional de Cine de Xixón va celebrase ente'l 15 y el 23 de payares.