Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

The Patience Stone va distribuyise n'España

Votos

(Total de votos recibidos 385)

(Puntuación 3,01)

the patience stone
La película franco-afgana The Patience Stone, d'Atiq Rahimi, ganadora de tres premios nel Festival Internacional de Cine de Xixón, mercóla Golem pa la so distribución n'España.
La película, una de les grandes revelaciones de la 50ª edición del FICXixón, llevó'l premiu a la Meyor Actriz pola interpretación de la iraní Golshifteh Farahani, el FIPRESCI de la crítca y el del Xuráu Xoven. La película, basada nel llibru homónimu ganador del renomáu Goncourt en Francia, y coescrita con Jean-Claude Carrière, cuenta la vida d'una rapaza afgana al traviés d'un monólogu col home, que ta n'estáu vexetativu. Coles sos pallabres y el so día a día camienta la enguedeyada situación na que viven les muyeres nesti país centroasiáticu.

Tamién va llegar a les sales españoles la película d'apertura del Festival Internacional de Cine de Xixón y Premiu Especial del Xuráu, Beyond the Hills, del rumanu Cristian Mungiu, y la so estrena ta prevista pal 18 de xineru. Amás de les tres películes españoles a competición na Seición Oficial, La venta del paraísu (Emilio R. Barrachina), Viaxe a Surtsey (Miguel Ángel Pérez y Javier Asenjo) y 88 (Jordi Mollà), va distribuyise nel nuestru país la estadounidense Hello, I Must Be Going, de Todd Louiso.