Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Xuan Pedrayes Obaya y Graciela Litvak trunfadores de Microrrellatos Sidreros

Votos

(Total de votos recibidos 122)

(Puntuación 2,98)

Microrelatos sidreros
La Parrilla Antonio I, del Barriu de la Sidra foi l'escenariu nel que tuvo llugar l'actu d'entrega de los premios del concursu de Microrrellatos Sidreros.
El tercer vasu" y "Winsto reportando" foron los rellatos ganaores del II concursu de Microrrellatos sidreros Barriu de la Sidra y los sos autores Xuan Pedrayes Obaya y Graciela Litvak respeutivamente. Nun actu que cuntó con una perimportante presencia popular, los ganaores recoyeron los premios (500 € y un llote llibros) y llieron los sos rellatos énte los asistentes al actu, que supieren apreciar enforma la calidá de los testos. Arriendes d'ello, el xuráu fexo una mención especial de los microrrellatos "Burbuyes de sidre ficción" d'Emilio Mariño Riesgo, "Diálogu col pasáu" d'Álvaro Rodríguez Zapico y "Junto al Mar" de Esther López
García, ganando caún d'ellos una caxa llibros.
El xuráu d'esti certame tevo compuestu por Luis Antonio Alias, periodista y gastrónomu d'El Comercio, Miryam Sánchez Prieto, periodista y productora de televisión, David Fernández Prada, periodista gastronómicu y Xuan Carlos Crespos, escritor billingüe con un ampliu palmarés lliterariu. José Luis Acosta Fernández, el direutor d'eventos y promociones de LA SIDRA, foi l'encargáu de presidir el xuráu y facer la ponencia principal nel actu d'ayeri, que tien al Barriu de la Sidra comu entamaor principal arriendes de la Fundación Asturies XXI, la revista LA SIDRA y la Conceyalía de Cultura y Llingua; cuntando col padrociniu de Sidra Fonciello y Caja Laboral.
Ente les presonalidaes asistentes al actu, amás de los miembros del xuráu y los vocales del Barriu de la Sidra, pudimos atopar a la representante de la Conceyalía de Cultura y Llingua, Sara Casado; el direutor de Caja Laboral, David Cuervo Ralero (que fexo entrega del premiu n'asturianu), y José Ramón Llaneza, xerente de Sidra Fonciello (qu'entregó'l premiu n'español) ente otros